Alternative Funeral Service - Yr Eglwys yng Nghymru

Gwasanaethau Angladd
10. CAN O’R EIDDO ANSELM SANT
Casgla dy blant ynghyd, O Dduw:
fel y casgl iâr ei chywion i’w hamddiffyn.
1 O Iesu, cesgli fel mam dy bobl atat:
yr wyt yn dyner â ni, fel mam gyda’i phlant.
2 Wyli yn aml dros ein pechodau a’n balchder:
tynni ni’n dyner oddi wrth atgasedd a barn.
3 Diddeni ni mewn galar a rhwymo ein clwyfau:
gofeli amdanom mewn afiechyd a’n porthi â llaeth pur.
4 O Iesu, trwy dy farw fe’n genir ni i fywyd newydd:
trwy dy boen a’th ddioddefaint fe ddeuwn i lawenydd.
5 Try anobaith yn obaith trwy dy ddaioni mwyn:
trwy dy dynerwch fe gawn ddiddanwch mewn ofn.
6 Dyry dy gynhesrwydd fywyd i’r meirw:
gwna dy gyffyrddiad bechaduriaid yn uniawn.
7 O Arglwydd Iesu, yn dy drugaredd iachâ ni:
yn dy gariad a’th dynerwch ail-grea ni.
8 Yn dy dosturi dyro ras a maddeuant:
paratoed dy gariad ni at brydferthwch y nef.
Anselm o Gaer-gaint
Gogoniant i’r Tad ac i’r Mab ac i’r Ysbryd Glân:
megis yr oedd yn y dechrau y mae yn awr,
ac y bydd yn wastad, yn oes oesoedd. Amen.
Tudalen 82