Alternative Funeral Service - Yr Eglwys yng Nghymru

Gwasanaethau Angladd
X. GWASANAETH COFFA
AMLINELLIAD O’R DREFN AR GYFER GWASANAETH COFFA
Y DOD YNGHYD
1. Y mae’r gweinidog yn croesawu’r bobl ac yn cyflwyno’r gwasanaeth.
2. Gellir defnyddio brawddegau o’r Ysgrythur.
3. Gellir dweud y Colect yma neu yn ystod y Gweddïau.
DARLLENIADAU A PHREGETH
4. Defnyddir darlleniad neu ddarlleniadau o’r Beibl.
5. Gall salmau neu emynau ddilyn y darlleniadau.
6. Traddodir Pregeth.
7. Gellir defnyddio caneuon a darlleniadau eraill, a gellir rhoi teyrngedau.
GWEDDÏAU
8. Fel rheol, bydd y gweddïau yn dilyn y drefn hon:
Diolchgarwch am fywyd yr ymadawedig;
Gweddi dros y rhai sy’n galaru;
Gweddi am barodrwydd i fyw yng ngoleuni tragwyddoldeb.
9. Gellir canu emyn.
CYFLWYNO A FFARWELIO
10. Pan fo’r amgylchiadau’n briodol, cyflwynir mewn geiriau a awdurdodwyd y sawl a fu
farw i Dduw.
YR ANFON ALLAN
11. Dywedir Gweddi’r Arglwydd.
12. Gall y gwasanaeth ddiweddu gyda bendith.
Os digwydd Gwasanaeth Coffa oddi mewn i weinyddiad o’r Cymun Bendigaid, dilynir yr
adrannau priodol i’r rhan honno o’r gwasanaeth.
NODIADAU
Cynlluniwyd y canllawiau hyn i’w defnyddio yn yr eglwys rai wythnosau ar ôl y gwasanaeth
Angladd. Darperir isod un ffordd o ychwanegu at y Drefn.
Os cynhelir y gwasanaeth coffa yr un dydd â’r Angladd, neu’n fuan iawn wedyn, dylid
defnyddio’r gwasanaeth Angladd, heb y traddodiant.
Dylid sicrhau ei bod yn glir pwy sy’n llywyddu gydol y gwasanaeth, pwy sy’n cyflwyno’r
gwasanaeth ac yn ei ddiweddu, ac nad yw nifer y siaradwyr, yr eitemau cerddorol a’r
darlleniadau heb fod o’r Beibl yn rhwystro’r gwasanaeth rhag canolbwyntio ar glywed gair
Duw, gweddïo a diolch.
Tudalen 46