Alternative Funeral Service - Yr Eglwys yng Nghymru

Gwasanaethau Angladd
5.
Arglwydd Iesu, dangosaist inni’r ffordd at y Tad:
Arglwydd, trugarha. (Arglwydd, trugarha.)
Arglwydd Iesu, y mae dy air yn oleuni i’n llwybr:
Crist, trugarha. (Crist, trugarha.)
Arglwydd Iesu, ti yw’r bugail da
sy’n ein tywys i fywyd tragwyddol:
Arglwydd, trugarha. (Arglwydd, trugarha.)
6.
Fy enaid, bendithia’r Arglwydd,
a phaid ag anghofio’i holl ddoniau:
Arglwydd, trugarha. (Arglwydd, trugarha.)
Ef sy’n maddau dy holl gamweddau,
yn iacháu dy holl afiechyd:
Crist, trugarha. (Crist, trugarha.)
Ef sy’n gwaredu dy fywyd o’r pwll,
ac yn dy goroni â chariad a thrugaredd. (Arglwydd, trugarha.)
7.
O’r dyfnderau y gwaeddais arnat, O Arglwydd.
Arglwydd, clyw fy llef.
Arglwydd, trugarha. (Arglwydd, trugarha.)
Os wyt yn cadw cyfrif o gamweddau,
pwy, O Arglwydd, a all sefyll?
Crist, trugarha. (Crist, trugarha.)
Gobeithia yn yr Arglwydd,
oherwydd gyda’r Arglwydd y mae ffyddlondeb,
a chydag ef y mae gwaredigaeth helaeth.
Arglwydd, trugarha. (Arglwydd, trugarha.)
Gollyngdod
8.
Bydded i Dduw cariad
ein dwyn yn ôl ato ef ei hun,
maddau inni ein pechodau
a rhoddi inni sicrwydd o’i gariad tragwyddol
yn Iesu Grist ein Harglwydd. Amen.
9.
Bydded i Dduw Dad faddau inni ein pechodau
a’n dwyn i gymdeithas ei fwrdd
gyda’i saint am byth. Amen.
Tudalen 54