Alternative Funeral Service - Yr Eglwys yng Nghymru

Gwasanaethau Angladd
I’w defnyddio ar ôl Salm 120:
Dduw pob trugaredd,
yr ydym mewn helbul ac yn galw arnat.
Gwared ni rhag celwydd a thwyll
a phoen ymosodiad y gelyn,
a dyro inni dangnefedd,
tangnefedd Crist a enillwyd ar y groes. Amen.
I’w defnyddio ar ôl Salm 121:
Arglwydd, ffyddlon,
gwylia drosom a chadw ni’n ddiogel.
Bydd gyda ni yn ein mynd a’n dod,
yn awr a byth. Amen.
I’w defnyddio ar ôl Salm 130:
Arglwydd trugaredd ac iachawdwriaeth,
achub ni, gweddïwn arnat, o ddyfnderoedd pechod a marwolaeth;
maddau inni bob camwedd,
a dyro inni ras i sefyll yn dy ŵydd
i’th wasanaethu yn Iesu Grist ein Harglwydd. Amen.
I’w defnyddio ar ôl Salm 138:
Arglwydd, na chefna arnom yn ein trallod.
Cadw ni’n ddiogel ym mhob gofid,
a chwblha dy bwrpas ar ein cyfer
trwy dy gariad a’th ffyddlondeb diwyro
yn Iesu Grist ein Hiachawdwr. Amen.
I’w defnyddio ar ôl Salm 139:
Arglwydd, yr wyt wedi ein creu a’n llunio,
yr wyt wedi ein hadnabod a’n chwilio,
yr wyt yn aros gyda ni trwy oleuni a thywyllwch:
cynorthwya ni i adnabod dy bresenoldeb yn y bywyd hwn
ac, yn y byd a ddaw, i fod eto gyda thi,
lle’r wyt yn fyw ac yn teyrnasu
yn Dduw byth bythoedd. Amen.
Tudalen 75