Alternative Funeral Service - Yr Eglwys yng Nghymru

Gwasanaethau Angladd
GWEDDÏAU AGORIADOL
Dduw pob trugaredd, ni fyddi’n gwneud dim yn ofer ac yr wyt yn caru pob peth a wnaethost.
Diddana ni yn ein galar, a chysura ni â gwybodaeth o’th gariad di-feth, trwy Iesu Grist ein
Harglwydd. Amen.
O Dduw, a’n dygaist ni i’n genedigaeth, ac y byddwn farw yn dy freichiau, cysura ni yn ein
galar a’n braw: cofleidia ni â’th gariad, dyro inni obaith yn ein dryswch a gras i ollwng gafael
fel y cawn fywyd newydd; trwy Iesu Grist. Amen.
Dduw cariad, clymaist ni mewn bywyd yn un â E. / ’r rhai a garwn, ac agoraist borth y nefoedd
trwy ddioddefaint ac atgyfodiad Iesu; edrych arnom yn dy drugaredd, dyro inni ddewrder i
wynebu ein galar a dwg ni oll i gyflawnder y bywyd atgyfodedig; trwy Iesu Grist ein Harglwydd.
Amen.
DARLLENIADAU
Gall un o’r darnau a ganlyn o’r Ysgrythur fod yn addas
Salm 23
Salm 84.1-4
Caniad Solomon 2.10-13
Eseia 49.15,16
Jeremeia 1.4-8
Jeremeia 31.15-17
Mathew 18.1-5,10
Marc 10.13-16
Ioan 6.37-40
Ioan 10.27,28
Rhufeiniaid 8.18, 28,35, 37-39
I Corinthiaid 13.1-13
Effesiaid 3.14-19
GWEDDÏAU
Fel rheol, bydd y gweddiau yn dilyn y drefn hon:
Diolchgarwch am fywyd y plentyn, ni waeth pa mor fyr y bu
Gweddi dros y rhai sy’n galaru
Gweddi am barodrwydd i fyw yng ngoleuni tragwyddoldeb
Tudalen 36