Alternative Funeral Service - Yr Eglwys yng Nghymru

Gwasanaethau Angladd
15.
Dduw grasol,
dolchwn iti am y cariad y cenhedlwyd y baban hwn (E.) ynddo,
ac am gariad y cartref yr oedd i fod i gael ei g/eni iddo.
Gweddïwn y bydd i gariad ei rh/rieni at ei gilydd
dyfu a dyfnhau.
Dyro inni ras i wrando ar ein gilydd
yn amyneddgar a deallus,
ac i gynorthwyo ein gilydd yn y dyddiau sydd i ddod. Amen.
FFARWELIO
16.
Dad nefol,
y mae E. ac E. wedi rhoi i’w baban yr enw E.
– enw a drysorir yn eu calonnau am byth.
Ond ti a’i lluniodd ef/hi yn y groth;
yr oeddit yn ei h/adnabod wrth ei h/enw cyn dechrau amser.
Cyflwynwn E. yn awr i’th ofal cariadus a thyner.
Am gyfnod a oedd mor fyr
daeth ag addewid o lawenydd i lawer.
Lapia ef/hi yn awr yn y bywyd tragwyddol,
yn enw ein Hiachawdwr atgyfodedig,
a anwyd ac a fu farw,
ac sy’n fyw ac yn teyrnasu gyda thi a’r Ysbryd Glân am byth. Amen.
GWEDDÏAU Y GELLIR EU CYMERADWYO I’W DEFNYDDIO’N BERSONOL GAN Y
RHIENI
17.
Dduw cariad a bywyd,
rhoddaist inni E. yn fab/merch i ti.
Sicrha ni yn awr,
er iddo/i fynd o’n golwg ni,
nad aeth o’th olwg nac o’th ofal di.
Tyrd yn agos atom yn ein tristwch,
dwg o’n galar fendith,
a chynorthwya ni yn ein dagrau a’n poen
i’th adnabod di yn sefyll gyda ni
ac i brofi dy gariad a’th iachâd;
trwy Iesu Grist ein Harglwydd. Amen.
18.
Dduw pob dirgelwch,
y mae dy ffyrdd uwchlaw pob deall,
tywys ni, sy’n galaru am y farwolaeth annhymig hon,
i ffydd newydd, a dyfnach ffydd, yn dy gariad,
a ddaeth â’th unig Fab Iesu
trwy farwolaeth i fywyd yr atgyfodiad.
Gweddïwn yn enw Iesu. Amen.
Tudalen 40