Alternative Funeral Service - Yr Eglwys yng Nghymru

Gwasanaethau Angladd
19.
Dduw’r trugaredd di-feth,
yn dy gariad creadigol a’th dynerwch rhoddaist inni E.,
a oedd mor llawn gobaith am y dyfodol.
Ti yw ffynhonnell bywyd pob un ohonom,
a nerth ein holl ddyddiau.
Fe’n gwnaethost nid i dywyllwch a marwolaeth,
ond i’th weld wyneb yn wyneb
ac i fwynhau cyflawnder bywyd.
Cynorthwyo ni i ddiddanu y naill y llall
â’r diddanwch a gawn oddi wrthyt ti;
trwy Iesu Grist ein Harglwydd. Amen.
20.
Dduw pob gras a diddanwch,
diolchwn iti am E.,
ac am y lle a oedd iddo/i yng nghalonnau pawb ohonom.
Diolchwn am y cariad y cenhedlwyd ef/hi ynddo
ac am y gofal a’i hamgylchynai.
Wrth inni gofio amseroedd o ddagrau a chwerthin,
diolchwn iti am y cariad a ranasom o’i herwydd,
ac a adlewyrchai’r cariad hwnnw a dywelltaist ti arnom
yn dy Fab Iesu Grist ein Harglwydd. Amen.
21.
Dduw ein Tad,
yr wyt yn gwybod ein meddyliau ac yn rhannu ein gofidiau.
Tywys ni o’n trallod
i ddiddanwch cysurus dy gariad.
Pan anghofiwn beth yw hapusrwydd,
adfer ynom ffynhonnau gloywon o obaith.
Pan amddifader ni o dangnefedd,
adnewydda ein calonnau a thawela ein hofnau.
A phan ddeuwn yn y diwedd at ein hymadael olaf,
dwg ni adref atat ti am byth
i gyflawnder teulu Duw;
trwy Iesu Grist ein Harglwydd. Amen.
22.
Dad nefol, ein cydymaith,
y mae dy gariad bob amser gyda ni,
hyd yn oed pan awn i mewn i ddirgelwch tywyll dioddefaint a cholled;
trown atat yn awr mewn ffydd,
a gofynnwn iti roddi i’th annwyl blentyn E.
nodded dy gariad.
Cysura ni, O Dad,
a thywys ef/hi i lawenydd a chyflawnder yn dy deyrnas nefol,
trwy nerth y cariad a ddatguddiwyd inni yn dy Fab,
ein Hiachawdwr Iesu Grist. Amen.
Tudalen 41