Alternative Funeral Service - Yr Eglwys yng Nghymru

Gwasanaethau Angladd
Oni weinyddir y Cymun:
Gweddïwn yn hyderus ar y Tad:
Ein Tad yn y nefoedd ...
Neu
Fel y dysgodd ein Hiachawdwr ni, gweddïwn yn hyderus:
Ein Tad, yr hwn wyt yn y nefoedd ...
Y CYFLWYNIANT
Hollalluog Dduw,
yn dy gariad mawr
lluniaist ni â’th ddwylo
ac anadlu inni fywyd trwy dy Ysbryd.
Er inni fod yn bobl wrthryfelgar,
ni chefnaist arnom yn ein pechod.
O’th dyner drugaredd
anfonaist dy Fab
i’n hadfer ar dy ddelw.
Mewn ufudd-dod i’th ewyllys
rhoes ef ei fywyd drosom,
a dwyn yn ei gorff ein pechodau ar y groes.
Trwy dy allu nerthol
cyfodaist ef o’r bedd
a’i ddyrchafu i orsedd y gogoniant.
Gan ymlawenhau yn ei fuddugoliaeth
a chan ymddiried yn dy addewid
i fywhau pawb sy’n troi at Grist,
cyflwynwn E. i’th drugaredd,
ac ymunwn â’th holl bobl ffyddlon
ac â holl gwmpeini’r nef
yn yr un gân dragwyddol o foliant:
Y fendith a’r anrhydedd,
y gogoniant a’r gallu
a fo i ti, yn oes oesoedd. Amen.
YR ANFON ALLAN
Y Tangnefedd
Dywedodd Iesu: Yr wyf yn gadael i chwi dangnefedd; yr wyf yn rhoi i chwi fy nhangnefedd i
fy hun. Nid fel y mae’r byd yn rhoi yr wyf fi’n rhoi i chwi. Peidiwch â gadael i ddim gynhyrfu’ch
calon, a pheidiwch ag ofni. Tangnefedd y Crist atgyfodedig a fyddo bob amser gyda chwi:
A hefyd gyda thi.
Tudalen 51