Alternative Funeral Service - Yr Eglwys yng Nghymru

Gwasanaethau Angladd
4. BABAN
I ti, addfwyn Dad,
yr ydym yn wylaidd yn ymddiried y plentyn hwn
sydd mor werthfawr yn dy olwg.
Cymer ef/hi yn dy freichiau
a chroesawa ef/hi i’th ŵydd,
lle nad oes na galar na phoen,
ond cyflawnder tangnefedd a llawenydd gyda thi
byth bythoedd. Amen.
5. GENEDIGAETH FARW
Dduw pob trugaredd, ni fyddi’n gwneud dim yn ofer
ac yr wyt yn caru popeth a greaist;
cyflwynwn iti E., plentyn E. ac E.,
y tywalltasant arno/i y fath gariad mawr,
ac yr oeddynt yn llawn gobeithion a breuddwydion am ei d/ddyfodol.
Yr oeddem wedi hiraethu am gael ei g/chroesawu i’n plith;
dyro inni sicrwydd yr amgylchynir ef/hi yn awr
ym mreichiau dy gariad,
a’i f/bod yn rhannu bywyd atgyfodiad
dy Fab, Iesu Grist. Amen.
6. ERTHYLIAD NATURIOL
Dduw pob trugaredd, ni wnei ddim yn ofer
ac yr wyt yn caru popeth a greaist;
cyflwynwn iti E., plentyn E. ac E.,
y tywalltasant arno/i y fath gariad mawr,
ac yr oeddynt yn llawn gobeithion a breuddwydion am ei d/ddyfodol.
Dyro iddynt sicrwydd bod eu plentyn,
er yn anweladwy i ni, yn weladwy ac yn adnabyddus i ti,
ac y bydd yn rhannu bywyd atgyfodedig dy Fab, Iesu Grist. Amen.
Y TRADDODIANT
Defnyddia’r gweinidog un o’r ffurfiau canlynol ar y Traddodiant:
Wrth gladdu corff:
Yn ffydd Crist a chan gredu bod E. yn nwylo Duw,
yr ydym yn traddodi ei g/chorff i’r ddaear:
pridd i’r pridd, lludw i’r lludw, llwch i’r llwch:
mewn gwir a diogel obaith o’r atgyfodiad i’r bywyd tragwyddol
trwy ein Harglwydd Iesu Grist,
a newidia ein cyrff eiddil ni
i fod yn unffurf â’i gorff gogoneddus ef,
a fu farw, a gladdwyd, ac a gyfododd drachefn er ein mwyn.
Iddo ef y bo’r gogoniant am byth. Amen.
Tudalen 43