Alternative Funeral Service - Yr Eglwys yng Nghymru

Gwasanaethau Angladd
COLECTAU AR GYFER GWASANAETHAU ANGLADD A GWASANAETHAU COFFA
10.
Dad trugarog,
clyw ein gweddïau a chysura ni;
adnewydda ein gobaith yn dy Fab,
a gyfodaist o blith y meirw;
cryfha ein ffydd
y caiff (E. a phawb) pawb a fu farw yng nghariad Crist
rannu ei atgyfodiad ef
sy’n fyw ac yn teyrnasu gyda thi,
yn awr a byth. Amen.
11.
Dduw tragwyddol, ein crëwr a’n prynwr,
caniatâ i ni gyda (E. a) phawb o’r ffyddloniaid ymadawedig
ddiogel fuddiannau dioddefaint achubol dy Fab
a’i atgyfodiad gogoneddus;
fel, yn y dydd olaf,
pan gesgli ynghyd bob peth yng Nghrist,
y caffom fwynhau gyda hwy gyflawnder dy addewidion;
trwy Iesu Grist dy Fab ein Harglwydd,
sy’n fyw ac yn teyrnasu gyda thi,
yn undod yr Ysbryd Glân,
yn un Duw, yn awr a hyd byth. Amen.
DIOLCH AM FYWYD YR YMADAWEDIG
12.
Bendigedig fyddo Duw a Thad ein Harglwydd Iesu Grist,
a’n bendithiodd â’r rhodd o fywyd ar y ddaear hon
ac a roddodd i’n brawd/chwaer E.
rychwant ei f/blynyddoedd a doniau ei g/chymeriad.
O Dduw ein Tad, diolchwn iti yn awr am ei f/bywyd,
am bob atgof o gariad a llawenydd,
am bob gweithred dda a wnaeth
ac am bob galar a rannodd â ni.
Diolchwn iti am ei f/bywyd ac am ei f/marwolaeth,
diolchwn iti am yr orffwysfa yng Nghrist y mae’n awr yn ei mwynhau,
diolchwn iti am ei r/rhoi hi/ef inni,
diolchwn iti am y gogoniant y byddwn yn ei rannu â’n gilydd.
Clyw ein gweddïau trwy Iesu Grist ein Harglwydd. Amen.
13.
Drugarog Dad, Arglwydd pob bywyd,
molwn di am iti ein llunio ar dy ddelw
i adlewyrchu dy wirionedd a’th oleuni.
Diolchwn iti am fywyd dy blentyn E.,
am y cariad a dderbyniodd gennyt
ac a ddangosodd yn ein plith.
Uwchlaw pob dim, llawenhawn yn dy addewid rasol
Tudalen 55