Alternative Funeral Service - Yr Eglwys yng Nghymru

Gwasanaethau Angladd
GWEDDÏAU DROS Y RHAI SY’N GALARU
22.
Dduw pob trugaredd,
a ninnau’n galaru am farw E.,
ac yn diolch iti am ei f/bywyd,
yr ydym hefyd yn cofio amseroedd
pan oedd yn anodd inni ddeall
a maddau, a derbyn maddeuant.
Iachâ ein hatgofion o ddolur a methiant,
a dwg ni i faddeuant a bywyd
yn Iesu Grist ein Harglwydd. Amen.
23.
Arglwydd Iesu Grist,
cysuraist dy ddisgyblion pan oeddit yn mynd i farw:
tawela yn awr ein calonnau trallodus
ac ymlid ymaith ein hofnau.
Ti yw’r ffordd at y Tad:
cynorthwya ni i’th ddilyn.
Ti yw’r gwirionedd:
dwg ni i’th adnabod.
Ti yw’r bywyd:
dyro inni’r bywyd hwnnw,
byw gyda thi yn awr a byth. Amen.
24.
O Dduw, a’n dug ni i’n genedigaeth,
ac y byddwn farw yn dy freichiau,
cynnal a chysura ni
yn ein galar a’n braw:
cofleidia ni â’th gariad,
dyro inni obaith yn ein dryswch
a gras i ildio i fywyd newydd;
trwy Iesu Grist. Amen.
25.
O Dad, yr wyt yn adnabod ein calonnau ac yn rhannu ein gofidiau.
Cawsom ein brifo o’n gwahanu oddi wrth E. yr oeddem yn ei g/charu:
a ninnau’n ddicllon oherwydd ein colled,
ac yn dyheu am eiriau o gysur,
ond yn ei chael hi’n anodd eu clywed,
tro ein galar yn gywirach buchedd,
a’n cystudd yn obaith cadarn
yn Iesu Grist ein Harglwydd. Amen.
26.
Dduw grasol,
amgylchyna ni a phawb sy’n galaru y dydd hwn
â’th dosturi gwastadol.
Na ad i alar lethu dy blant
Tudalen 58