Alternative Funeral Service - Yr Eglwys yng Nghymru

Gwasanaethau Angladd
Teilwng wyt ti, yr Oen a laddwyd:
ac a brynaist i Dduw â’th waed:
rai o bob llwyth ac iaith a phobl a chenedl.
Gwnaethost hwy yn urdd frenhinol
i sefyll gerbron ein Duw ac i’w wasanaethu:
ac fe deyrnasant gyda thi ar y ddaear.
Iddo ef sy’n eistedd ar yr orsedd ac i’r Oen:
y byddo’r moliant a’r gogoniant a’r gallu
byth bythoedd. Amen.
Neu
Dad hollalluog, rhoddwn i ti ddiolch a moliant
am iti anfon dy Fab i farw, a’i atgyfodi o blith y meirw.
Molwn di yn llawn hyder dy fod yn achub dy holl bobl,
y byw a’r meirw.
Arglwydd, clyw ni: yn rasol, clyw ni, O Arglwydd.
Diolchwn iti am E.,
yr addawyd iddo/i yn ei f/bedydd fywyd tragwyddol
ac sydd yn awr yng nghwmni’r saint.
Arglwydd, clyw ni: yn rasol, clyw ni, O Arglwydd.
Diolchwn iti am ein brawd/chwaer, a fu’n cyfranogi o fara’r bywyd,
rhagflas o’r wledd dragwyddol yn y nefoedd.
Arglwydd, clyw ni: yn rasol, clyw ni, O Arglwydd.
Diolchwn iti am ein holl berthnasau a chyfeillion
ac am bawb a fu’n gymorth inni,
sy’n mwynhau’r wobr am eu daioni.
Arglwydd, clyw ni: yn rasol, clyw ni, O Arglwydd.
Gweddïwn ar i deulu a chyfeillion ein brawd/chwaer E.
dderbyn yn eu galar ddiddanwch yr Arglwydd,
a wylodd ar farwolaeth Lasarus, ei ffrind.
Arglwydd, clyw ni: yn rasol, clyw ni, O Arglwydd.
Gweddïwn dros bawb ohonom sydd wedi ymgynnull yma
i addoli mewn ffydd,
ar inni gael ein cynnull ynghyd drachefn yn nheyrnas Dduw.
Arglwydd, clyw ni: yn rasol, clyw ni, O Arglwydd.
Neu
Arglwydd Dduw, creawdwr pob peth,
gwnaethost ni yn greaduriaid y ddaear hon,
ond addewaist inni hefyd ran yn y bywyd tragwyddol.
Yn unol â’th addewidion,
bydded i bawb a fu farw yn nhangnefedd Crist
gael cyfranogi gyda’th saint yn llawenydd y nefoedd,
lle nad oes na galar na phoen
ond bywyd hyd byth.
Alelwia ! Amen.
Tudalen 50