Alternative Funeral Service - Yr Eglwys yng Nghymru

Gwasanaethau Angladd
VI. RHAGARWEINIAD BUGEILIOL I’R GWASANAETH ANGLADD
Gellir defnyddio’r geiriau hyn neu eiriau eraill:
Y mae cariad a gallu Duw yn estyn dros y cread oll. Y mae pob bywyd yn werthfawr i Dduw.
Y mae Cristnogion bob amser wedi credu bod gobaith mewn angau fel sydd mewn bywyd, a
bod bywyd newydd yng Nghrist y tu draw i farwolaeth. Dywedodd Iesu, “Myfi yw’r atgyfodiad
a’r bywyd. Pwy bynnag sy’n credu ynof fi, er iddo farw, fe fydd byw; a phob un sy’n byw ac
yn credu ynof fi, ni bydd marw byth”.
(Ioan 11.25,26).
Y mae gwir ymdeimlad o golled pan fydd farw un sy’n annwyl gennym. Fe fydd gennym oll
ein profiadau ein hunain o’i fywyd a’i farwolaeth, a’n gwahanol atgofion a’n gwahanol
deimladau ein hunain o gariad a galar a pharch. Dylai cydnabod hyn ar ddechrau’r
gwasanaeth ein cynorthwyo i fynegi ein ffydd a’n teimladau wrth inni ganu’n iach, a’n
cynorthwyo hefyd i gydnabod ein colled ac i fyfyrio ar ein marwoldeb ni ein hunain. Y mae ar
y rhai sy’n galaru angen cefnogaeth a chysur. Y mae ein presenoldeb ni yma heddiw yn rhan
o’r gefnogaeth gyson honno.
VII. TESTUNAU ATODOL
BRAWDDEGAU
Dengys Duw inni lwybr bywyd; yn ei bresenoldeb ef y mae digonedd o lawenydd, ac yn ei
ddeheulaw fwyniant bythol.
(cf. Salm 16.10).
Salm 46.1
O’r dyfnderau y gwaeddais arnat, O Arglwydd. Arglwydd, clyw fy llef; bydded dy glustiau’n
agored i lef fy ngweddi.
(cf. Salm 130.1-2).
Oherwydd gwn fod fy amddiffynnwr yn fyw, ac y saif o’m plaid yn y diwedd; ac wedi i’m croen
ddifa fel hyn, eto o’m cnawd caf weld Duw. Fe’i gwelaf ef o’m plaid; ie, fy llygaid fy hun a’i gwêl,
ac nid yw’n ddieithr.
Job 19.25-27.
Pregethwr 5.15,16
Galarnad 3.22,23
Mathew 5.4
Mathew 25.34
Luc 23.43
Ioan 3.16
Ioan 6.40
Ioan 11.25,26
Ioan 14.2,3
Rhufeiniaid 8,38, 39
I Corinthiaid 2.9-10a
I Corinthiaid 15.25,26
II Corinthiaid 1.3,4
II Corinthiaid 5.1
Tudalen 33