05. Text Band 5 - Teil 4 - DigiBern

338 1529
men. Erstlich wird sich erfänden durch boten und brief, dass
ein lobliche stat Bern gegen iren undertanen, ouch widerspennigen,
und noch minder gegen denen von Underwalden, sich keins
hochmuots, grims, noch unbils, ouch gnuogsam verursacht, sunder
5 vil me überflüssiger gedult, maess und gueete gebrucht, biss ir unghorsam
undertanen iren rechtsboten verächtlich ab- und die
frefnen von Underwalden mit irer paner den ufrueerigen zugetreten
warend. — Da guot ze wissen, wer in siner tat, klag oder
antwort, die warheit, die billikeit, die gschwornen puend und
io loblicher Eidgnoschaft alt harkomen uberfaren, und nuews und
ungehoerts fuernemen ingefueert habe, nämlich die von Underwalden.
Zuom zweiten: Dass aber die von Underwalden bewisener
schmach nit gestendig, ist an irer antwort schin, die voller schmach
15 nuet anders sticht, den ein lobliche stat Bern zeschmaehen. Was ouch
si mit öfter eferung schmizlich anzuehend des alten und nuewen
glowens halb, ist vorhin voellig erefret und widerlegt, mit erpietung,
noch daran rechnung zegeben, wo's die sach ervordret. Hie
ist nit klag ums glowens, aber um libs, eren und guots willen.
20 Zuom driten: Deren von Hassle und Brienz halb were nit
not, denen von Underwalden ze antworten. So aber si den handel
zuor sach undienlich und der warheit unglich inziehend, so sagen
wir, dass die unseren von [375] Hassle und Briens, ouch andere
der unseren, mit keiner list noch betrug hindergangen, sunder
25 heiter und offenlich wol bericht, irer oberkeit kristlich reformation
mit merer hand, nit mit gewalt, hond angenomen, ouch
darzü ir versiglete brief geben. Werid ouch an zwifel darbi
rueewig bliben, so die von Underwalden, wie oft gebeten, sich
der sach, die si nuet angieng, gemueessiget, und ire, unser Ordnung
M widerwärtige, gsellen und pfaffen daheim behalten hetid. Hie aber
des sacraments halb schwere stuk anmaessgende, so vil me uns
unbillich zuo verklagen, dan unser billiche klag zuo verantworten,
reichend.
Zuom vierden: Der boten und pratiken halb, ist von unseren
35 ufrueerigen selbs kund und bekent, wer inen geraten, si uf- und
angewist habe, fuernemlich die von Underwalden. Des 5. und