05. Text Band 5 - Teil 4 - DigiBern

1529 339
hoptartikels, nämlich des uberzugs halb, welchen die von Underwalden
mit vilblueempter umschweiffer, aber mit keiner rechtmässigen,
ursach moegend verantworten, darum ein stat Bern Stift
uf irer warhaften, billichen klag behaeret; dan si, die von Underwalden,
ire rat, zuosagung, und noch vil minder iren gewaltigen 5
zuozug, unsern ufrueerischen getan, ouch, so ir anschlag uebels
nit erwoert, was darus entstanden wer, .. . a ) den puenden, ßren
und eiden gemäss nimerme versprechen moegen, da bald gerechnet,
wer den andren gwalt und unrecht tueeg. So wirt sich ir fuergwente
erbewarung ouch nit rimen zuo irer frids Vertröstung, in 10
einen abscheid geben, und angends unverwart ein kriegschen
uszug tun; die gwapneten ufrueerigen sterken, die sich berueempt
haten, ein stat Bern ze überziehen, Iand und luet innemen, und
nit woellen kriegen aber heissen scheiden. Das si dan sagen, was
si getan, sie um's alten, kristlichen glowens willen besehenen, 15
von dem die von Bern ire from undertanen habid woellen tringen,
ouch kein recht annemen, das ist nit; dan die bed ufruoren sind
erhaben bi den gozhuslueten und iren anhaengern, nit ums glowens
willen, sunder von wegen der zinsen und zechenden, und der
zerissenen schwölle und fischetzen; item um ge[376j brochne 20
vertrag und verachte rechtsboten, über welche die ufrueerischen
sich wider ire gnädigen hern zuom krieg geruest und gesteltnämlich
mit rat und hilf derer von Underwalden, die si, die
meineidigen, ouch jezt die verraetersche landfluechtigen, fuer from
biderbluet und alt gut kristen houd wollen schirmen, ouch jezt 25
in dem namen behusend; — alles wider die gschwornen puend.
Und über das alles dörfen sich die von Underwalden selbs rueemen,
nuetset Unrechts begangen haben; dass ouch si zuo einem ort
der Eidgnoschaft als guot und erlich slen, als die von Bern. Da
wir anders vermeinen und hoffen; dan die von Bern hand an 30
niemand ire puend brachen, niemand wider eid und er überzogen,
ouch nuetset vorgenomen, dardurch ein loblich Eidgnosschaft zuo
nuet solte sin worden, als aber die von Underwalden zertrent und
uberwislich getan haben. Doch so stat dis urteil zuo Got und
") Wegen Correctur undeutlich, vielleicht: als.