05. Text Band 5 - Teil 4 - DigiBern

1529 355
kloester selgraet und guot nemen; welchs das besser, gebids inen
zetreffen. Item, als zuo Sarnen ins lantschribers hus deren von
Zürich und Bern, Basel und Strassburg wapen am galgen hienge,
und der boten einer das beredt, sagends, es irte si nuet: ein
nar het's getan.
Der vier Orten Lucern, Ure, Switz und Zug gemeine antwort
über den Ferdinandischen pund, und von des
Underwalden- und gemeinen Vertrags wegen.
Um den hoptartikel, nämlich des Ferdinandischen punds
halb, begab sich iedes ort zuo gmeiner der V Orten antwort, und 10
12. Hai. also ward zuo Baden uf den 12. tag Mei in fierer Orten namen,
— Underwalden klbt — dis antwort verabscheidet, hielt die
meinung:
Erstlich der handlung halben zuo Veldkirch habid ir Eidgnossen
von Zürich ein gschrift uss lassen gan, so hie zuo handen, 15
darin kein warheit, und uns den V Orten zuo schaden, schmach
und zuo Verunglimpfung erdacht. Dan inen da gwalt und unrecht
bescheche, dass si kuenglicher Maiestaet von Ungern und Behem
boten weinend gepeten und angerueeft habid, mit erpietung ir
kuengl. Maiestaet fuer iren kern zuo erkennen. Item zuom andren, 20
so ist allen orten unverborgen, wie unser Eidgnossen von Zürich
und Bern, und fuernaemlich Zürich, ein zit lang gehandlet hond,
das im anfang uech allen, nid minder dan uns, vast mistiel, ouch
sich desse nit in iren gepieten benüegten, sunder understanden,
iren nüwen glowen und irtuom ouch in die gmeinen und zuoge- 25
wanten herschaften inzebringen, ungeacht dass das mer derselbigen
obren widerstrebt, und ouch sowit gebracht, dass wir,
wider unsre puend und alte brüch, unserer gepürlichen regierung
zuom teil entsezt, von unsern undertanen soelich unghorsame,
schmiz und Verachtung liden, die unsre vordren von keinen M
froemden nie geliten hetid; die wir [392] von unsren voegten iez
ungestraft müessend lassen fürfaren, von den eegemelten Orten
gesterkt.