05. Text Band 5 - Teil 4 - DigiBern

352 1529
des glowens, der alein Gots gnad pund und keiner menschen
puenden zuostat, von uns mit kristlichen glowens grund, nämlich
gotsworts rechnung, fruentlich zenemen [388] und nuet unfrintlichs
anzefahen, sunder die sach, als si ghoert, dem unentfliche
liehen gerechten gericht Gots heimsetzen, da ein ieder für sich
selb sin tag verstan wirt und muoss; demnach, dass unsern lobl.
punden truewlich nachgelept, ouch inhalt derselben unsere zwelung
und spen fruentlich oder rechtlich betragen wurdin. Entlich so
hond wir in allem nuet anders fuergenon, dan das zur ör unsres
io hern Gots, und nvitan zuor besserung unserer gmeinen Eidgnosschaft
dienlich verhoft zesin; alles fürwar uss guetem goetlichem
grund, ob nämlich in unsrer 1. Eidgnossschaft die alte gotsforcht,
truew und friheit wider ufgericht und die nuewe hochfart, eigennuetzikeit
und pundschaft, sampt iren unkristlichen, pluotigen anw
hengen, der fremden hern kriegen und pensionen, einer fromen
Eidgnosschaft schädlichste viend, wider nidergelegt oder ie doch
gemindret koentid werden; darzuo wir kein kräftigere hilf wissen
noch vermögen, wen das durchdringend, zerkniitschend und verprennend
wort unsres almaechtigen hern Gots, der uns begnaden
20 woelle, siner ewigen stim zelosen und zevolgen.
Deshalben uns nit unbillich hoch und uebel beduret, verwundret
und beschwärt, dass ir, unsre 1. Eidgnossen von den V Orten,
hinder und ouch wider uns, ja widers klar wort Gots und kristliche
friheit, den nuewen glowen, so doch der recht alt glow ist,
25 unwissentlich genempt, suochend und machend pund und hilf mit
einer Eidgnosschaft erbviend, nämlich den Oesterichern, die
nit on pluotig strit von unsern vordem ussgeschlagen und von
uns da ussen behalten, nuet lieber gesehn, wen deren gruentliche
Zerstörung oder ie doch verderpliche zertrennung, und das, so si
M bisshar mit ofener vientschaft nid hond vermoegen, iez mit dichtter
fruentschaft zuo ervolgen, ire list ankerend, da ir, unsre 1. Eidgnossen,
uech lassend anschowen, als die, so mit der Oesterichischen vientschaft
ein Eidgnosschaft hond angefangen, dieselbe mit derselben
frintschaft wider enden woellid. Das wir doch uech noch nit ver-
85 truewen können noch woellen, sunder in achtung unser alten erbfrintschaft
uns noch zuo uech alles guots versehen. [389J Denn on