05. Text Band 5 - Teil 4 - DigiBern

354 1529
si iren nachkomen bisshar erhalten. So aber zuo disen ziten der
boess viend sin gift, wie d'schlang im paradeiss, under uns saeigt
durch verfueerische pfaffen und muench, die uns von unsrem alten,
waren kristlichen glowen understond [390] abzetriben, selichs zeit
verhueeten und sich, ire kind und kindskind bim alten, waren
kristlichen glowen zuo behalten, so woellids die abtruenigen, nuet soellenden
pfaffen sampt irer falschen 1er vertriben und nit dulden,
ouch ir anhenger strafen, die heilige trifaltikeit, die wirdig
mueter Gots und al lieb Heiligen ernstlich biten, dass wir beio
stendig büben.
Ure klagt: als sich der nuew glow hab zugetragen, — Got
woelt, er were vergraben ! — habids vil mueeg, kosten und arbeit,
ouch vil frintlicher ansuchen fuergewent, ir 1. Eidgnossen darvon
abzewisen; das alles unfruchtbar gewesen, und wiewol s'gros
15 verdriessen darab gehept, so habids doch gedacht, ein iedes ort
lassen glowen, wie's gegen Got verantworten woelte, so ver dass
in gemein vogtien das mer fuers mer gehalten wurde. Inen wäre
von herzen leid, dass si, d'Eidgnossen, nit gluekhaftiger noch
gschikter gegen enanderen waerid.
w
Schwiz klagt sich sunderlich ab denen von Zürich, dass si
iren nuewen glowen understueendid inzebringen ouch zeschirmen
mit gwalt, da si kein oberkeit oder ie nit das mer haben. Dis
ungehorsame der iren woellids nit liden noch ungestraft lassen.
Die von Underwalden schluogend gschriftlich ab, redten ruh
25 und truzlich haruss, si zuosampt den andren Waldsteten waerid
die ersten Eidgnossen und haetid die andren z'Eidgnossen gemacht
im alten, waren kristlichen glowen, und darum woeltids bim alten
glowen und bin alten Eidgnossen bliben, oder es mueesse ir lib
und guot kosten. Si woellid ouch alle die anrufen und zu den-
30 selben ir lib und sei, er und guot setzen, die des alten glowens
slen. Aber mit den nuewgloeubigen woeltids gar nuet zeschaffen
habeD, ouch nit bi inen zuo tagen sitzen. Zürich und Bern hieltid
nuet, verachtid si, nemmids tangrotzen, kuokamen, oertli, senhuetli;
koennids nit fuer Eidgnossen halten So redtens nebenzuo: die
äs woeltid [391] fremder herren puend, krieg und pluotgelt abstellen,
aber heimsche bruech und krieg machen, und der kilchen und