Matchzytig / Matchprogramm Zusammenfassung 2019720 - Vorrunde 2023/24

Daniel Blaser – der stille Schaffer
Wenn eine cha mit Zahle schongliere, de
ganz
bestimmt dr Daniel Blaser. Vor 10 Johr
het är ds Amt vom Kassier bim FC Büren
an der Aare übernoh, notabene mit ere
Bilanz wo me sauft cha säge, die het bi
so mänge igfleischte FCBler
d'Trändrüese chutzelet. Es isch für e
FCB es grosses Glück gsi, het dr Dänu
am 22.10.2008 uf Büre transferiert
und für d'Seniore aus Goalie aafo
schutte. Es isch nid lang gange, hei
schlaui Chöpf gmerkt, was är uf em
Chaschte het, dr Financier, und ig bi
fasch versuecht z'säge dr Retter isch
angaschiert gsy. Mit Bedacht aber
mit Nachdruck het dr Dänu uf ne schnäui Gsundig vo de Finanze pochet und derby säuber apackt,
Tipps gäh und ou ungeregheizt, wenn's nötig isch gsi. GV für GV si gäng erfröilechiri Bilanze
präsentiert worde und bau het me sech scho über nes finanziells Pöuschterli chönne fröie. Bis vor
Usbruch vo Corona isch es am FCB finanziell meh aus guet gange. Dä enorm Inahmeverlust dür
d'Stiulegig vo jegleche Aktivitäte und Chöschte im Unterhalt dür Defekt und Ersatz het me dank
umsichtige und verantwortigsvoue Finanzgebahre chönne elegant abfädere. Es isch e grosse
Verdienst vom Daniel Blaser, dass dr FC Büren an der Aare beruhigt cha i Zuekunft blicke. Klar weiss
me nid, was no aues chunnt. Aber vorgsorget isch.
Dr Daniel Blaser isch am 23. September 1975 in Bern gebore. Ufgwachse in Lyss und Arch und ab de
Flegujohr (20gi) het är meischtens Büren und Umgäbig unsicher gmacht. D'Lehr aus Zimmermaa
muess är wäge Höheangscht ufgäh u schuelet sech mit 22gi um. Mittlerwyle isch dr Dänu 20 Johr uf
dr
Finanzbranche, zersch by dr Postfinance und ab 2012 by dr UBS Aarberg aus
Chundeberater. Syt 2016 läbt dr Dänu glücklech und zfriede mit der Simona und ihre
Ching und em Hung in Aarberg. Dr fuessbauerisch Karrierestart in Lyss isch früeh
vouzoge worde. Bi de Junioren F sy di erschte Erfahrige gsammlet worde, woby dr
Dänu syt Beginn gäng isch im Gou gschtange. Är seit zu däm Thema: "Wüu ig dr
Dickscht bi gsy, bi ig vom erschte Training a is Gou gsteckt worde." Nach
Absolvierig vo sämtleche Juniorekategorie het är bi de Aktive i dr 3. und 4. Liga
bim FC Fulgor und FC Leuzigen gschuttet, obwou nümme dr Dickscht, natürlich
ging no zwüsche de Pföschte. Es isch Zyt cho wo me euter wird und sportlech
chlei wott chürzer träte, do d'Seniore vom FC Büren gäng sy uf Goaliesuechi gsi,
het sich dä Wächsu ufdrängt, begünschtigt ou dür ds Angaschema vom
Brüetsch Mike ir erschte Mannschaft vom FCB.
Nach 10 intensive Johr im Vorstand isch dr Daniel Blaser vo sim Amt zruggträte. Är isch froh, mit em
Luca Lauper e äbe so versierte Finanzmaa aus sy Nachfouger chönne z'präsentiere. Es eifachs "Merci
Dänu" isch zweni, für das wo du gleischtet hesch. Aber da du e ruhige Mönsch bisch und es
Riesetamtam nid di Sach isch, weisch du dä Dank richtig izordne. Ganz bisch jo eh nid ab dr Wäut. Im
ne Buvetteteam bisch aktiv derby und am Fischässe chasch sicher ou nid nei säge! Bisch definitiv i
Giude "Most Important Person" bim FCB ufgnoh.
104