Matchzytig / Matchprogramm Zusammenfassung 2019720 - Vorrunde 2023/24

Und no einisch ds Thema Hochzyt
Liebi Hochzytswiuigi und die wo's no wei wärde. Aller guten Dinge sind drei. Dr Marco Kocher und sy
Angela hei aagfange, dr Fribi und syni Rebecca hei äbefaus gfunge, es sig dr passend Rahme für es
Hochzytsfescht und dr Stefan und sy Marina si die dritte im Bund, wo uf em Schuttplatz y wichtigscht Teil
vom Läbe ytouche. Mir wünsche aues Guete, viu Chitt und fröie üs für die Zwöi!
Wie us guet unterrichteter Queue z'vernäh isch, het dr FCB e Arbeitsgruppe biudet, wo sich mit em ne
Konzept unger em Name "Wotsch oder wotsch nid" mit em ne professionelle Umfäud für Hochzyte
befasst. D'Idee isch, mit em ne zwöite Schtandbei d'Zuekunft vom FCB abzsichere. Planet isch es
schmucks Chiuchli a Schteu vom aagschlagne Bauhüsli, d'Buvette wird abgrisse und muess am ne
Restaurant mit Ballsaal Platz mache und Garderobe wird für beschtimmti Bedürfniss usboue um läschtigi
Schtous und z'träppele an Ort z'vermiede. Dr Chouf vo dr aagränzende Fruchtflächi vom Fritz Anggor
schliesslech muess härehaa aus Car- und PW-Parkplatz. D'Zuekunft isch gsicheret. Hürote Modis u Giele u
de natürlech uf em Lachen!
367