Matchzytig / Matchprogramm Zusammenfassung 2019720 - Vorrunde 2023/24

Algerien - Kroatien - Türkei - Syrien - Thailand
Ukraine - Schweiz - Sri Lanka - Afghanistan – Deutschland
Portugal - Italien
Kei Angscht, mir mache nid uf Geografie! Mir zeige nume uf, us was für Herre Länder d'Schpieler
und Betreuer vor
drhärchöme.
Zwöiti Mannschaft (5. Liga)
Damit ds ganze Ensemble chasch händle, het ou mit dr Grössi vom Kader
z'tue (29 Maa), bruchsch nid unbedingt e usgwiesne Fachmaa y Sache
Fuessbau z'sy, nei du bruchsch e Künschtler, e Dirigänt, e Maestro. Und
das cha im FC Büren an der Aare nume eine sy, jawohl üse
Gianluigi Maffeo, Trainer
Villech no wägem Schpruch vo usgwiesne Fachmaa, mir tüe das ihm nid abspräche, aber we me
de scho italiänischi (wäutmeischterlechi) Wurzle het und nid a dr WM derby isch, de… höre mer
uf. Säubschtverschtändlech het dr Cha e Ahnig vo Fuessbau, ke Frog. Aber ihm, wo zu jeder
Tages- und Nachtzyt e guete Schpruch uf Lager het, mou eine zruggzgäh, tuet guet! Forza Italia!
Sit Mönschegedänke isch dr Gianluigi "Cha" oder ou "Charlie" Maffeo, erschtens bim FCB und
zwöitens Trainer bim "Zwöi", und mir näh aa, dass das die nöchschte Johr ou so
wird bliibe, so dr Fuessbaugott de will.
Multikulti, es hört nümme uf. Damit sich dr Schef uf sy Houptufgab, ds
Schportleche cha konzentriere, bruchts de no e Haubtagsschteu, wo sich mit dr
Bürokratie umeschlot. Mi wott jo keis Gschtürm im Fadechörbli! Wär het wie
mängisch träniert? Wär isch y de Ferie? Warum isch jitz dä nid do? Het sich dä
abgmäudet? Het dä sy Harasse Bier schou zaut? Froge über Froge und
zwüschedüre keni Antworte. Für söttigi Fäu isch dr
Renato "PR7" Pereira, Coach
zueschtändig.
Über die gueti Schtimmig ir Mannschaft chönnt me so mängs Müschterli verzeue, aber mir wei
jitz nid us em Nähjchörbli ploudere. Eis isch aber wichtig und ghört eifach zum ne funktionierende
Verein. Aui schriesse am Chare und häufe, wo sie chöi.
Das isch äbe das, wo mir ygangs gmeint hey. Bim Zwöi bruchsch e Integrationsfigur und e Kommunikator,
eine wo seit was Sach isch. Und do sy dr Cha und dr Renato die rächte Lüt am rächte
Ort.
243