Matchzytig / Matchprogramm Zusammenfassung 2019720 - Vorrunde 2023/24

Liebi Fussbaufründe
Herzlich willkommen auf dem Lachen - zum Zwöite
"Corona", "Covid-19", "Pandemie" – aues Wörter wo mir
langsam nümme möge ghöre. U doch isch nüt verby und weiss
Gott kei Grund z'dänke, die Gschicht isch gässe, hopp jitz
gringsvoraa is aute Fahrwasser zrugg. So wie üsi Behörde het
ou üses Präsidium sensibu reagiert und umsichtig ghandlet.
Bevors offiziell worde isch, het me vorbiudlech und
verantwortigsbewusst dr Trainingsbetrieb usgsetzt. So isch dr
FCB schlank und rank dür ds Gröbschte düre cho.
Ou wenn me der Situation rund um "Corona"nüt guets cha
abgwinne, isch haut glich öppis i de Chöpf bliebe hange und het
bim einte oder andere es Umdänke provoziert. D'Begriffe
Solidarität und Verantwortig hei e ganz angeri Dimension agnoh u dr Chrankheitsverlouf i
dr Schwiiz positiv beiflusst. Aber, u das isch guet so, het üsi globali Dänkwys e rächte
Dämpfer müesse istecke. Abhängigkeite i dr Versorgig vo usserhaub Europa hei näbem
Priisvorteil dr Nachteil, im Krisefau zum Bumerang z'wärde. Darum ehret einheimisches
Schaffen und nid nume gäng nach em Prinzip "Geiz ist geil" läbe. Näbeby chönnt so ouno
üsi Umwäut profitiere. Es isch e Überlegig wärt.
Übrigens – der letscht Satz het ou i üsem Umfäud Güutigkeit. Mir hei sit Usbruch vo dr
Pandemie nid vo eim einzige Sponsor ghört, dass ufgrund vo
gschäftleche Ibuesse e Zämearbeit usgsetzt wird oder nümme
wird müglech sy. Das stercht üs enorm dr Rügge u macht der
FCB zueversichtlech, dass die grosse Löcher i de Resärve
wieder chöi gstopft wärde.
Mi cha die Grosszügigkeit nid höch gnue ischetze, üsi Wärtschetzig und es MERCI wo vo
Härze chunnt isch öich liebi Sponsore sicher.
Mir vo üser Syte chöi uf ne eleganti Art es Merci platziere, idäm mir bi Ichöif zersch a üsi
Sponsore dänke und öppis zrugg gäh. E Win-Win Situation für beidi Syte und nüt aus
nume säubstverständlech.
64