Matchzytig / Matchprogramm Zusammenfassung 2019720 - Vorrunde 2023/24

Es grosses MERCI!
D'Saison 2017/18 het dr FCB i dr 4. Liga nach dr Vorrunde
chönne abhöögle, dr Ufstieg isch nach ere desolate Vorrunde
nümme im Bereich des Möglichen gsi. Es het öppis müesse passiere.
Das het ou dr damalig Trainer Patrick Rudolf igseh und
Platz gmacht. Ab Januar, auso für d'Vorbereitig vo dr Rückrunde,
hei dr Patrick Tüscher und dr Patrick Von Felten uf däm Schleudersitz
Platz gnoh. Einigermasse passabel het me die Saison uf em 3.
Rang beändet. Die beide Patrick hei sich guet verstande u si
überycho, dass jungi, hungrigi Lüt e gangbare Wäg für e FCB isch.
Gspräch hie, Überzügigschraft dört und e gwüssi Gruppedynamik unger
de Junge und d'Bereitschaft vo paar äutere Füchs hei derzue
gfüehrt, dass e schlagkräftigi Truppe uf d'Bei cho isch. Und tatsächlich,
z'Unmügleche het me gschafft. In ere interessante und hert umkämpfte
Saison isch me 2017/2018 wieder drittklassig worde.
Nach afängleche Startschwierigkeite isch me du schlussändlech nach Abbruch vo dr Saison Ändi
Vorrunde uf em hervorragende 3. Platz rangiert gsi.
Dr Patrick Tüscher, ou eine wo gäng do isch, wenns ne brucht, het scho vor däm aprubte Abbruch
akündet gha, är höri de nach der Saison 2019/2020 uf. Är het de Schritt gmacht und isch hüt interessierte
Zueschouer, und – genau är isch de wieder do, wenns ihn brucht.
Merci viu mou Pädu für ne grossartigi Arbeit im Dienst vo üsem FCB. See you!
67