Matchzytig / Matchprogramm Zusammenfassung 2019720 - Vorrunde 2023/24

Üses Fischässe – e Erfougsstory
Vo links nach rächts: Willy Sutter, René Saisselin, Sepp Eigenmann (Oktober 2006)
Früecher isch dr Lottomatsch e wichtigi Ynahmequeue vom FC Büren an der
Aare gsy. Aber das Schpiu isch gäng chley meh us dr Mode cho und Ufwand
und Ertrag sy y keim vernünftige Verhäutnis meh gschtange. Churzerhand
het me im Dezämber 2004 dr letscht Lottomatsch y dr Mehrzwäckhaue
düregfüehrt. Ds päägge "Gartoo im Sääli!" isch verschtummt, passé, Vergangeheit.
Wüu me zu dere Zyt nid grad isch uf Rose bettet gsy, hets e Alternative brucht, damit dr Kassier
wieder het chönne dr Chamme schteue. Dr Sepp Eigenmann, gäng uf dr Suechi nach nöie
Gäudqueue, het mit em Willy Sutter und em René Saisselin d'Gringe zämegschteckt und ds
Fischässe isch gebore gsy. Im Protokou vo dr GV vom 24.06.2004 toucht unger em
Tätigkeitsprogramm ds erschte Fischässe Im Oktober 2003 uf. Wüu das e voue Erfoug gsy isch,
isch im Mai 2004 die zwöiti Usgab über Bühni gange. Im Ouguscht 2005 het dr FCB am
Ländtifescht ds erschte Mou mit syne Zanderfilet im Teig für kulinarischi Höheflüg gsorget.
Mittlerwyle füehrt dr FC jedes Johr im Mai es Fischässe uf em Lache düre und im Ouguscht am
Ländtifescht. Ynahmesyte vo dr FCB-Rächnig ohni Fischässe – undänkbar!
Was es mit em Rezäpt uf sech het, erfahret dir uf dr Syte 15
305