Matchzytig / Matchprogramm Zusammenfassung 2019720 - Vorrunde 2023/24

Näbegrüsch uf em Lache 2. Akt
Dr FCB gseht sich jo konfrontiert mit em ne dreischte Zytgenoss, wo für syni chaute Füess oder sys blutte
Fleisch e Rohschtoff brucht, wo ihm ds Läbe aagnähmer gschtautet oder sy Gaumenfröid beriicheret.
Otto Normalverbraucher tuet heize oder leit Bettsocke a und geit is Näscht und zur Zuebereitig vom
Fleisch gits bekannterwys etwelchi Müglechkeite, das ds Plätzli oder ds Würschtli schmackhaft
zuebereitet Fröid macht. Merksch scho, was jitz chunnt? No nid ganz? Eh jo, dr…
Rugelimugger – Teil 3(Hochdeutsch = Rundholzdieb)
U wieder het är zuegschlage, het sy Sattuschlepper flott gmacht und isch sich nid z'schad gsy, Schtrapaze
uf sech z'näh. Die dumme Cheibe vom FC hei jo gäng chley Houz vor em Huus. Gäbigi Schittli sys,
fachmännisch uf d'Länge vo 33 cm gschnitte, guet ustrochnet und handlech bim ylade und bygele. Und
einisch meh luegt dr FC y d'Röhre. Wie mir vo bescht orientierter Syte vernoh hei, isch ou by dr
Fischerhütte e Rugelimugger am Wärch gsy. Organisierts Verbräche, d'Houzmafia, Cosa Nostra oder gar e
Familieklän? Nüt vo däm auem, pfyffe d'Vögeli vo de Böum. Nid so wyt sueche, chley überlege u
kombiniere – aber de nid z'lang, das git Gringweh, und eventuell geit dir de es Liechtli uf.
Ds Bygeli gseht aktuell ganz dürftig us. Zyt, dass dr FC wider e Bschtellig macht, mir wei no nid, dass dä
arm Tüüfu no a Ranz früürt oder sys Plätzli rou muess abewürge. Auso Infraschtrukturschef oder
Büvetteschef gäht die Bschtellig uf, heit es Härz für z'organisierte Verbräche.
Es isch nümme so luschtig, wie am Aafang und es wird zur Gwohnheit. Das chunnt so wyt, dass mir ihn zu
üsne Schtammchunde zeue und änds Johr mit em ne Präsäntli (chöi jo eis näh vo zwe Syte wyterobe) für
die aagnähmi Zämearbeit bedanke.
Die erfougrychi Egippe uf em Merci-Tüürli nach em Match gäge Radufinge
269