Matchzytig / Matchprogramm Zusammenfassung 2019720 - Vorrunde 2023/24

Spielerportrait: Joel Tüscher
Das legendäre Sächzähni! Scho sy Vater het mit dere Nummere für Büre gschpiut. Dr. Joel, Übernahme
"Schöggu" isch am 16. Juni 1999 gebore. Bruni Ouge, 182 Zentimeter gross und 84 kg schwär,
schtattlechi Zahle für ne Verteidiger. Är seit zwar, är wüss säuber nie, wo das är müess oder
dörf schpiele. Däm seit me polivalänt ysetzbar und söttigi Tüpe sy Guud wärt, aber haut
de öppe ou drmit konfrontiert, e Schtammplatz müesse z'erkämpfe. Wenn de dr
Schöggu uf em Platz schteit, de git är de aues und isch es Vorbiud i Sache Ysatz und
Kampf.
Dr Sanitärinstallateur und Heizigsmonteur isch no ledig (sy Kommentar drzue isch
), lost gärn HipHop, Rock und Techno. Fuessbau, Yschhockey und Dart zeue zu syne
Hobbys. Mit em ne guete Bitz Fleisch oder ere Pizza chasch dr Schöggu hingerem
Ofebänkli fürehole. Es feins Bier drzeu oder e Schluck Wasser u de isch är rundum
z'fryde. Syt ungefähr 2015 isch är im Kader vo dr erschte Mannschaft, mit schutte
scho syt em füfte Läbensjohr derby. Dr Mohamed Salah und dr FC Liverpool sy unger
z'gfinge.
aber
Ds Stärnzeiche Zwilling spricht für läbhaft und fründlech. Sie göh uf angeri Lüt ohni Vorurteil
zue, sy gsellig und viusytig. Schwächen: Leicht beeinflussbar, schnäu überschnurret. Frogsch dr Schöggu,
öb är chunnt cho häufe, schteit är scho parat. Wie är schuttet, so schaffet är ou. Vougas und nie um ne
Lösig verläge. E Chrampfer und e liebe und zuvorkommende Giu, wies im Büechli schteit. Die gröschti
chlyne Fröid vom Autag isch, Tag für Tag gsung ufschtoh und dörfe go schaffe. Das passt zu ihm.
Är fingt dr FCB geil, dört cha är sy Schport betrybe und sini Junioren trainiere. Ds Familiäre und dr
Zämehaut quer düre Verein isch für ihn wichtig und das schetzt är sehr.
Für dini kameradschaftlechi und hiufrychi Art für d'Kollege und für e FCB Schöggu, längt es eifachs merci
nid, mir zieh dr Huet und verbücke üs. Üse Schöggu chasch mit Guud nid ufwäge.
182