Matchzytig / Matchprogramm Zusammenfassung 2019720 - Vorrunde 2023/24

Arni Pascal, Trainer
Moser Ralph, Trainer
Weyermann Pierre, Torhütertrainer
Unser heutiger Gegner
Grünig Nicola Hegg Kilian Hegg Mike Heuer Timon
Kunz Ramon Mani Sascha Marie Aurélien Mathez
Alexandre
Moser Lukas Müller Joel Müller Yannick Rappo Mauro
Sljivar Enis Strub Nicola Weber Till Weder David
Wyssbrod Luca
Wyssbrod Marco
Do muess me kes Gschyss mache – dr Kanditat Nr. 1 uf e Gruppesieg! 9 Spiu, 23 Punkt und es Gouverhäutnis
vo 36:8. Auso im Schnitt pro Spiu chachelets bim Gägner 4 mau. Mit em Rappo Mauro (6 Gou),
em Mathez Alexandre (5), Hegg Mike (4), Heuer Timon (4), Marie Aurélien (4) het Grünstern es Riesepotential
a Torschütze. I dr ganze Torschützeliste touche 12 Spieler us däm Team uf. Do chasch nid vo einzelne
Spieler rede, wo torgfährlech sy, do muesch säge, das isch es verdammt guets Kollektiv, wo dr Päscu
Arni zur Verfüegig het. Einzig gäge Aegerten und Pieterlen hei sie Punkt abgäh (jewyls 1:1). Auso, nid
grad i d'Hose mache, die choche ou nume mit Wasser, ou wenn das es edles Wässerli muess sy. Beidrucke
tüe sicher d'Resultat uswärts gäge Azzurri (4:1 gwunne) und deheim gäge Aurore (5:0). Wenn die i
Fahrt chöme, cha das strub use cho. Was seit üs das? Vor erschte Sekunde a do sy, stabiu stoh u schnäu
dr Tritt gfinge. Luegt me d'Resultat a steut me fescht, Grünstern isch vo Afang a parat. I füf vo nün Spiu
hei sie bereits bis zur 11. Minute d'Füehrig realisiert. Und ou i füf Spiu nach dr 80. Minute no troffe. Die
göh auso über 90 Minute hochkonzentriert as Wärch. Tatsach, dass Grünstern bis do häre ke Spiuverschiebig
het müesse verschmärze, im Gägesatz zum FCB, het die Konstanz nume ungerstützt.
Bi üs isch 5 vor Zwöufi! Jitz muess me haut ds Glück erzwinge u 90 Minute go, wie dr Tüfu würd hinge noche
seckle u z'vermeintlech liechte Räschtprogramm us em Hingerchopf verbanne. Wüu eis isch ou klar,
die Tabäuelag vom FCB drückt im Läbe nie us, was üsi Manne vermöge z'leischte. E guet Tag und e top
Ischtellig sy aber vonöte, wott me Grünstern zum Stoupere bringe.
Beide Teams wünsche mir es fairs und unfaufreis Spiu. Hopp FCB!
109