Matchzytig / Matchprogramm Zusammenfassung 2019720 - Vorrunde 2023/24

Üse Sepp - 3 -
Im Johr 2000 bim Buvettebou, dr Sepp wie immer resolut und mit schlagfertigem Humor
2021/22 isch d'Aawäseheit vo Eigenmann's wäge gsundheitleche Problem leider weniger worde
Aafangs 2021 isch d'Marlis a Chräbs erchrankt. E Chlupf für üs aui und vorauem für e Sepp. Für
d'Marlis und für ihn het e schwäri Lydenszyt aagfange. D'Sorge um d'Marlis het ou dr Sepp
gsundheitlech us dr Bahn gworfe und die Zwöi hei Bsüech uf em Lachen schwären Herzens müesse
yschränke oder zytewys gar ganz ufgä. Syt däm Schicksausschlag hei sich Prioritäte bim
Sepp verschobe. Bedürfnis vo dr Marlis und e gueti Betröig deheime zwüsche de Spitauufenthäut
und de Therapie sy ihm hüt ds Wichtigschte. Das isch dr eint Teil wo y der Situation wichtig isch.
E angere Teil treit ou viu drzue by, hoffnigsvou z'blibe. Das isch dr Umstand, dass d'Marlis e ganz
e starchi Frou isch und mit viu Zueversicht und Hoffnig die schwäri Chrankheit ertreit.
A dere Schteu isch es a üs aune, am Sepp und dr Marlis für ihres Angaschemaa, ihri Fürsorg für
ne funktionierende und gsunde FC und für ihres Härzbluet es grosses MERCI z'säge.
Kopf hoch dir zwöi, mir sy für öich do.
366