Matchzytig / Matchprogramm Zusammenfassung 2019720 - Vorrunde 2023/24

Aus dem Verein
Im Zuge der Freistellung von Reto Rüttimann ist auch Patrick Von Felten ab sofort freigestellt
worden. Präzisiert ausgedrückt, hat Vofi sein Amt zur Verfügung gestellt, damit ein Neuanfang
ohne Vorbelastungen gelingen kann.
Im Matchprogramm vom 12.09.2020 haben wir Vofi portraitiert. Aus aktuellem Anlass
wiederholen wir auszugsweise und aktualisiert den Text.
Wär dr Vofi mou het gseh schutte, isch dr Idruck nid los worde, dass dä Maa bir Geburt bereits
Schuttschueh het agha. Schnäu wie ne Pfyu, trickrich, schlitzohrig und mit em ne satte Schuss usgstattet
isch är für jede Gägespieler zum Trauma worde.
Mit sächs Johr isch dr Vofi bim FC Dotzigen i sy Karriere gstartet u schnäu isch klar worde, dass me das
Talänt nid lang cha haute. Bereits mit 13 (1994) het är zum FC Biel gwächslet und isch über d'U-16 und U-
18 i dr 1. Liga zum Stammspieler worde.
Im Summer 2006 het sich d'Frog gsteut, Fuessbau verbunde mit viu Ufwand oder
Bruef, zum Glück für e FC Büre het ds Zwöite dr Usschlag gäh. Vom FC Biel und vo dr
Badi het me sech kennt und so het är u si Kolleg Michael Blaser sich für üse FCB
entschiede. Legendär isch am Vofi si Spruch alässlech vom ne Interview mit em
Bieler Tagblatt. "Ich will in Büren eine gute Zeit erleben". Bereits ir erste Saison het
me dr Ufstieg i die 1. Stärkeklass gschafft und i dr Saison 2008/09 sogar dr Gump i
die 2. Liga realisiert.
Uf d'Saison 2009/10 het sich dr Vofi a ne nöii Herusforderig gwagt und het in
Dotzigen ds Traineramt übernoh. Mir hei damaus gschriebe "Vofi – mönschlech wie sportlech e
Mordstyp, du wirsch üs schwär fähle! Merci für aues und viu Erfoug mit em FC Dotzige! Du weisch – Tür
isch für di immer offe!" Und die Iladig het dr Vofi uf d'Rückrunde 2017/18 agnoh und mit dem Patrick
Tüscher die 1. Mannschaft übernoh. Bereits e Saison spöter het är scho wieder chönne e Ufstieg fiire (vor
4. i die 3. Liga). Mi chönnt fasch säge, es Feierbiest dä Vofi!
Die gueti Kameradschaft innerhalb vom Team und im ganze Verein hei dr Vofi bewoge, ernöit zu üs
z'stosse. Bis letscht Wuche isch är im "Eis" am Reto Rüttimann zur Syte gschtange. Mit sire ruehige Art,
em fuessbauerische Wüsse und dr Kunst, es Spiu chönne z'läse, e unverzichtbare Maa, bsunders ou wüu
dr Reto aus Spieler uf em Platz unverzichtbar gsy isch.
2008 het dr Vofi es nöis Kapitu i sym Läbe uftoh und isch mit sir Läbenspartnerin Rocio zämezoge. Im
März 2010 isch d'Elin uf d'Wäut cho und im Januar 2012 dr Stammhauter Noah. Dr Vofi schaffet uf dr
Versicherigsbranche bir Vaudoise Lyss aus Seniorberater Versicherig und Vorsorg und wohnt in Lyss
"Ig hoffe ou jitz wieder e ähnlich erfougrichi Zyt in Büre erläbe z'chönne. Z'Wichtigschte isch jedoch, dass
mir es kameradschaftlechs Mitenang pflege u wyterhin Spass a üsem Hobby hei."
Vofi, schön bisch bi üs u Spass hei mir mit dir in Hülle und Fülle. Wär weiss, drü Mou mit Büre
ufgschtiege. Das cha wahrlech nid mänge vo sich bhoupte.
Nun ist es wieder so weit, erneut bleibt uns nur der Dank. Oder ächt doch nid? Wär dr Vofi kennt
weiss, dass är gäng öppe no e Pfyu im Köcher het. Wir lassen hier mal ein Fragezeichen stehen.
Vofi, mit deiner ruhigen, sympathischen und fröhlichen Art bist du im FCB ein fester Bestandteil.
Wir lassen das mit einem schlichten "merci viu mou" so stehen.
150