Matchzytig / Matchprogramm Zusammenfassung 2019720 - Vorrunde 2023/24
Sie wollen auch ein ePaper? Erhöhen Sie die Reichweite Ihrer Titel.
YUMPU macht aus Druck-PDFs automatisch weboptimierte ePaper, die Google liebt.
Näbegrüsch uf em Lachen 1. Akt<br />
Näbscht em <strong>Matchprogramm</strong> isch mi Abteilig no zueschtändig für d'Matchplakat, d'Matchbrichte wenn<br />
ig drzue chume, Pfleg vor Homepage, Fotos vo de Schpiu, Portraits und Mannschaftsfotos und ferner no<br />
die linggi Hand Gottes, äh nei die linggi Hand vom Willy Rüttimann.<br />
Die zwöiti Passion findet dusse schtatt, dr Platzwart. Wenn me so viu Schtunde uf em Lache verbringt, de<br />
het me nid nume eitel Sonnenschein, blaue Himmu, d'Vögeli wo jubiliere und e schöne saftig grüene<br />
Rase, wo di dran chasch ergötze. Do ghöre ou viu Näbegrüsch drzue, wo bedinge, dass kes Fynöggeli<br />
darfsch sy, nid grad zur Schrotflinte gryfsch, wenn dir öppis nid passt oder nid gfaut, obwou's di juckt a<br />
aune Egge und Ände.<br />
Hundelis und ihri Bedürfnis und ihri ignorante Herrchen<br />
Söttigi Vorkommnis gits gäng und die beschäftige eim no denn, wenn me scho lang deheim im Näscht<br />
liegt. Eis wott ig do zum Beschte gäh. Die Gschicht isch nid so schpannend wie dr Rugelimugger, sie isch<br />
fieser, heimtückischer und schtinkt zum Himu. Ig muess chley ushole. Es het uf em Damm viu Frauchen<br />
und Herrchen, wo mit em Hundeli oder de Hundelis gö go schpaziere, damit sie (d'Hüng) es gwüsses<br />
Gschäft chöi verrichte. So wyt so guet. Frauchen und Herrchen und ig hey üs arrangiert, mir riesse beid<br />
Syte d'Hang y d'Luft und grüesse üs reschpäktvou oder mir bääge enang es stimmigsvous "guete Morge"<br />
oder "schöne Nomittag" übere Platz zue. Mi kennt sich haut und das isch guet so und git Reschpäkt. Ds<br />
Hundeli macht ds Gschäft, ds Frauchen oder Herrchen nimmt ds Seckli, rümpft d'Nase, ine mit däm Ding<br />
und düre isch dä Schpuk. E normale Vorgang. So wyt so guet. Wie bi auem im Läbe gits ou by de<br />
Hundehauter angery Hautertüpe, auso zwe Syte.<br />
Syt langem isch im Beriich Houptplatz öschtleche Teil vom Schtägli by dr Birke bis zum Parkplatz füre,<br />
mängisch im Sächzähner, mängisch im Füfer, oder hinger em Gou düre, e schtinkende Hundehufe<br />
zgfinge. Us däm Frömdhüfele het sich es regurächts Chatz und Muus, reschpäktive Hung- und<br />
Platzwartschpiu entwicklet. Gseht die nid schiessendi Fraktion (ds Herrchen), dass ig uf em Lache by,<br />
wird umkehrt u dr schiessend Teil vom Päärli lot am Schtörefried (das bi ig) es paar bösi wuff oder wau<br />
wau um d'Ohre, dr letscht Akt isch gschriebe. Für üs vom FC scho, aber wüu dä Schpaziergang jo muess e<br />
beschtimmte Zwäck erfüue, muess haut de e angere<br />
Bitz Land dr Gring häre ha. Wenn ig nid uf em Lachen<br />
bi, de isch es de passiert. Das böse Hundeli leit sys<br />
Präsäntli uf e Platz und ds Herrchen muess nid d'Nase<br />
rümpfe, wüu dä mit em deponiere vo de Exkremänt<br />
jo elegant glöst isch - für d'Gägesyte. Jitz chume ig<br />
wieder is Schpiu. Jitz heisst's ufpasse, d'Nase i d'Luft<br />
schteue, d'Ouge usfahre und das stinkende Etwas<br />
lokalisiere und potzwoumäu, nid öppe no<br />
drytschaupe oder mit em Mähjer dryfahe, das rächt<br />
sich de dopplet. Wüu nach dr Büetz, wärde de no<br />
d'Maschine und Grätschafte putzt, das wär de die<br />
zwöiti Begägnig der stinkenden Art und das bruchts<br />
definitiv nid ou no.<br />
Nid wyt vo däm Birkli, reschpektive vo däm Beriich,<br />
wo die unghoblete Vorfäu passiere, hets e Robidog. Zur Erklärig a die Person, wo sich Hundehauter<br />
nennt, das isch ke Briefchaschte oder e Wauurne, dört ghöre d'Gschäftli vo dim Hundeli dry. Aber de<br />
vorhär no es Seckli näh, mit dr Hang dry und süüferli ds Hüfeli ufläse, ds Seckli umschtüupe, nächhär<br />
machsch es Chnüppeli oder zwöi und schwupp, y Chaschte yneloo. Gut gmacht! Gsehsch, es isch gar nid<br />
so schwär!<br />
268