Create successful ePaper yourself
Turn your PDF publications into a flip-book with our unique Google optimized e-Paper software.
ARGITARALDI HONETARAKO<br />
HITZAURREA<br />
Liburu hau itzulpen baten itzulpena da. Jesús Trincado Baños arrasatearrarekin<br />
urte luzez izandako harremanaren fruitua izan zen “Bizi izan juat” titulatu<br />
nuena, 2000 urtean argitaratua. Jesúsekin pilatutako gutundegian –ale guztiak<br />
gazteleraz, euskarazko aipamen ugarirekin- oinarritu nuen bere biografia, euskaraz<br />
sortua. Jesusek ezagutu egin zuen liburua eta, zailtasunak zailtasun, baita<br />
irakurri ere.<br />
Begien bistako arrazoiak tarteko, liburu hark bere publiko mugatua izan zuen<br />
eta lagun batzuek pentsatu zuten gazteleraz ere argitaratu behar zela. Oraingo<br />
hau da, beraz, iritzi horren ekarpena. Eta horregatik nioen, gutunetan Jesusek<br />
egindako baieztapenei nik egindako interpretazioaren itzulpen batean eraiki dela<br />
irakurlearen eskuetan dagoen liburu berri hau, gazteleraz.<br />
Baina azpimarratu behar dut, poztasunez, bi itzulpenek Jesusen bizitza eta<br />
gogoa ederto mugatzen dituztela. Rosa Salvidek – Jesusen emaztea- jakinarazi<br />
dit bertsio hau irakurri duenean, Jesusek bere ondoan segitzen zuela iruditu<br />
zaiola. Eta horixe da eskergarriena.<br />
Jesús Trincado Baños 2006ko martxoaren 19an hil zen, Montevideon, 98 urterekin.<br />
JOSEMARI VELEZ DE MENDIZABAL<br />
2008ko azaroan