Fiabe bergamasche - Vittorio Volpi

ixé ol fiöl del re al gh'à dič: « Tó se' prope la me Margaritì », e 'l
l'à spusada ( 52 ).
Cfr. la novellina La Piera del fase. II, vol. I della Rivista di Letteratura
popolare.
La Šendrì Šendrö, o ( 53 ) Tenchina, bela Tenchina
Öna olta 'l gh'era tre sčete; nó i gh'ìa gna papà gne mama. Dò i era
grande e öna l'era picola, ma quela picola l'era öna belessa. A lé nó
i ga ölìa bé; lure i andaa semper a spas e lé i la lassaa a ca a fa de
mangià; lur i 'ndaa a tàola, e lé i la mandaa 'n del sigér; per vesta la
gh'ìa adòs ü sac. Ona matina i gh'à dič: « Va' 'n piassa a tö tre tenchine,
ma la tersa che la séa pìcola ». Lé la 'è a ca, la se mèt dré a
netàle e quela picinìna la gh' scapa zodel sigér. Al ve a ca i sò sorele,
i sirca la tersa tenchina. « La m'è scapada zo del sigér ». « Té, tè
'ndarè 'ndel sigér a mangià la polènta ». Intàt che la mangiaa la polenta,
la seguitaa a dì: « Tenchina, bela tenchina, caösa tó 'l me tóca
mangià la polènta tòca ». L'à ripetìt tre olte sta resù, dopo l'è egnìt
sö la tenchina e la gh'à dič: « Pians miga, e ciàpa ( 54 ) sta bacheta ché;
sta sira ( 55 ) i tò sorèle i sarà al festì de bal, e té, se to 'ö 'ndàga pica
zo la tò bachetina e comanda quel che te n'è òia ». Lé la pica zo sta
bachetina, al gh'è comparìt lé ü legn a tir de du, po' a' ü piö bel
vestìt. L'è 'ndacia al festì, l'à ciapàt al fiöl del re, l'à balàt insema e
po' l'è scapada [a ca]. Ol fiöl del re l'è restàt lé, nó 'l gh'à üt piö òja
de balà gne de negóta. Quele otre i è 'ndacie a ca rabiuse e i seguitaa
a dì: « Chi saràla mai stacia? ». E lé la sentìa töt. Ol dé dopo i à turnàt
a fa 'l festì, e lé la gh'è 'ndacia a tir de quater e con dì 'èste a'
mo piö bele. L'à balàt col fiöl del re e po' l'è scapada a ca. I sò sorèle
i è turnade a ca a' mo piö rabiuse. La tersa sira i ripét ol festì. Lé
la va 'n del sigér la dis, comè i otre olte: « Tenchina, bela tenchina ».
La tenchina la 'é sö / e la ghe dà la sò bacheta del comando; l'à comandàt
( ?2 ) Due righe bianche separano il testo dalla nota. Le rimanenti tredici righe sono
bianche.
( 5Ì ) Questa parte del titolo è scritta sul margine superiore.
f 54 ) In interlinea, corregge « basta che sta sira tó vaghet al festì de bai con » cancellato.
( 55 ) In interlinea, corregge « al gha sarà » cancellato.
404