Fiabe bergamasche - Vittorio Volpi

I tre mölinére
Sti tre mölinére i èra le tòte tre sentade zo de fò del sò möli, la m'
la cöntaa sö la mé nóna. Manimà i sent di pedù e di cà; e lure i istà
atente cossa 'l vegnìa. I ved che 'l passa fò tri cassadùr; ü l'era 'l re,
l'óter l'era 'l fiöl del re e chel di tri l'era 'l sò servitùr. Al salta sö la
piö bela de sti mölinére e la dis: « [Mé] n'avrés assé de spusà 'l re ».
E la segonda: « Mé n'avrés assé a' del fiöl ». E la tersa: « Mé po'
spuserèf a' 'l servitùr del re ». Sti tri i à sentìt, i è turnàč indré. Lure
quant' i à 'ést a turnà 'ndré sti tri, i gh'à üt öna de quele pure, che
vìo! i è scapade de dét; e po' patapùnfete! i à seràt la porta. E lur i
pica; i ciama zó la piö bela. E le la 'è zò, töta stremida; la ( 96 ) derv
la porta, la 'ed che l'è 'l re. « Cara lü, 'l me perdune, che nótre m'à
déč sö ergót de grignà ». « Ah! ah! negót de perdunà; té te é déč che
te spusàet ventéra ol re, e 'l re t'é de spusà. Ciama i otre sorele ».
Sti sčète i vé zo; i gh'ìa öna pura fiöla. Al se fa aante al fiöl del re
e a la segonda al ghe dis: « Té tó é üt de dì che te spuserésset ol fiöl
del re; e 'l fiöl del re te spuseré ». E la tersa, che l'era la piö pisséna
e la piö belìna, al se fa aante 'l servitùr e 'l ga dìs l'istès a' lü. Dopo
i cassadùr i è 'ndàč. A la matina i sa 'ed isti sčète a capita ü carossù
con dét töta bela roba, tace bei vestìč e po' öna caròssa con dét ( 97 )
i tri cassadùr. I gh'à dič de fa prest a 'estìs e po' dopo 'estìde i a fa
saltà sö sö la caròssa e i a ména a spusàs. A quela che l'à tölt ol re
i gh'à metìt sö la coruna; i sò sorele, a 'ed che la staa xé mai bé,
(mé 'l me par de es là a 'édela) / i sò sorele i gh'ìa öna de de quele
rabie, öna de quele rabie, che sčiao! Ol re l'à 'ölìt a' i ótre dò 'n del
sò palàs; ognü gh'ìa ol sò apartament de per lur però. La regina l'è
restada 'ncinta; i sò sorele i gh'ìa ( 98 ) rabia ( 99 ) e i sircàa de mètegla
in öde al re, e quand al ghe calaa póc a partorì, al rìa öna letra al re
che 'l ghe tocaa de partì söbet. Lü 'l va di cügnade a racomandàga sò
moér e de tègnel informàt. Lü 'l va; apéna dopo quac dé che l'è vià,
lé l'à partorìt. I ved che la gh'à üt ü piö bel sčèt, e lur i ciapa sö sto
[póer] bambì [sensa che lé 'l la vedés], i la porta vià e i ghe porta
lé ü löatì. Ol bambì [i l'à metìt in d'öna cassetina ( 100 ) e po' i l'à
bötàt in d'ü fiöm. Inzó ü toc la cassetìna] [( 101 ) l'è 'ndacia 'n d'un mölì
( 96 ) Una « e » che precedeva è stata cancellata.
( 97 ) Segue « sti » cancellato.
( 98 ) Segue « üt » cancellato.
( 99 ) Segue una parola cancellata illeggibile.
( 100 ) Segue «de fer » cancellato.
( 101 ) Questa parte contenuta fra parentesi quadre è aggiunta a pie' pagina.