Arrègulas - Acadèmia de su Sardu

11. IS PRONÒMINIS
11.1. Pronòminis personalis
11.1.1. Pronòminis personalis acentaus
Ddus bieus in sa Tauledda 13 a pàg. 122.
11.1.2. Pronòminis personalis àtonus
Is pronòminis personalis àtonus 1 (càstia sa Tauledda 14 a pàg. 122), a solus o allobaus
cun is fueddeddus pronominalis nci e ndi, podint essi proclìticus (ca funt apicigaus
a su verbu chi sighit) o enclìticus (ca funt apicigaus a su verbu chi ddoi est ananti).
Is proclìticus andant ananti de is formas verbalis a s’indicativu, a su congiuntivu
e a s’infiniu e bolint scritus seberaus de cussas formas e acapiaus a liniedda intra de
issus (es. a mi-ddu donas?, chi ti-dda pighis, si-ndi gosai).
Is enclìticus sighint is formas verbalis a su gerùndiu e a s’imperativu e bolint
scritus acapiaus a liniedda siat a is verbus siat intra de issus. Bolint puru acentaus si
funt truncus (es. andendi-si-ndi, boga-mi-nce-ddu, movi-tì).
11.1.3. Fueddeddus pronominalis
Ddus bieus in sa Tauledda 15 a pàg. 122.
11.1.4. Allobamentu de is pronòminis personalis e fueddeddus pronominalis
Ddu bieus in sa Tauledda 16 a pàg. 123.
1
Po barigai s’ambiguidadi de su pronòmini de sa primu, sa de duas e sa de tres personis
plurali (chi in sa majoria de is Logus ddu pronùntziant a sa pròpiu manera [si]), fait a imperai
is formas etimològicas prus antigas e oi agiumai sparèssias (nosi pagant, bosi stimant) o a
ddu fai pretzedi de su pronòmini tònicu chi ddi currespundit (a nosu si pagant, a bosàterus
si stimant).
120