Arrègulas - Acadèmia de su Sardu

sighit / segue
DE MANERA
de mala spètzia
de suncunas
de traessu
faci apari
in bonora
in oramala
comenti e chi mai
pari pari
(totu) paris
po brulla /
de a brulla
DI MODO
di malavoglia
all’improvviso
di traverso
faccia a faccia
con buona fortuna
in malora
come se niente fosse
l’un l’altro
tutto in una volta
per scherzo; in modo
amichevole (sport)
sighit / segue
13. IS PREPOSITZIONIS
Su Camp. tenit custas prepositzionis:
a, cun, de, in, me, po, intra, chena (o sena).
Sa majoria de is àteras prepositzionis funt o derivadas de agetivus o particìpius
(es. sarvu, bogau), o cumpostas cun avèrbius sighius de a o de, o deghinou fatas
cun nòminis intra de duas prepositzionis (chi naraus dìcius-prepositzionis).
Po su chi pertocat sa grafia, pensaus chi custa iat a depi abarrai sèmpiri firma e
aguali, mancai sa pronùntzia in fonètica sintàtica potzat mudai. In prus tocat a aguantai
a notu ca in sardu no ddoi at prepositzionis articuladas e duncas s’artìculu depit essi
scritu sèmpiri seberau de sa prepositzioni (es. a su, de is, cun sa, etc.).
Is prus fenòmenus fitianus funt is afatantis:
a e po: aciungint in sa pronùntzia una /i/ ananti de is dimostrativus (es. a-i custu,
po-i cuddu, etc.) chi depit essi arrastu de sa /e/ etimològica latina (AD ECCU-
[I]STUM, PRO ECCU-[I]LLUM): no nosi parit pretzisu de dda lassai in sa grafia
e po cussu si-ndi aostaus de dda scriri;
cun e in: aciungint una /d/ eufònica ananti de s’artìculu no definiu (es. in d-
unu, cun d-unu, etc.): in sa grafia fait a dda lassai acapiada cun d-una liniedda a
s’artìculu etotu;
de: fait a dda pronuntziai /di/ ananti de fueddus chi inghitzant a vocali (es. di
òru, di erba, ecc.); in prus punnat a perdi sa /d/ candu ddoi est ananti unu fueddu chi
acabat a vocali, chi est fitiana a ndi arrui aicetotu (es. fill’ ‘e babu, fil’ ‘i erba). Nosu
sceberaus de scriri custas espressadas totu cumprias, po sarvai sa firmesa de sa grafia
132