Arrègulas - Acadèmia de su Sardu

amarolla a una norma sceti, a s’ora chi ant comentzau a ddoi furciri s’idea, iant giai
stabilèssiu ca no depiant circai e sceberai nisciuna norma apitzus de àteras duas o
tres, ca sa norma destinada fiat su Log., e no s’arresurtau de unu sceberu democràticu
intra de su Camp. e su Log.;
sigomenti ca no ddoi at arraxonis bonas (ni scientìficas, ni didàticas e prus pagu
ancora polìticas) po spricai sa tzimia de cussu sceberu, nant insandus ca sa norma
sceberada est “la lingua più ampiamente rappresentativa di tutti i Sardi” (pàg. 4 de
sa LSU), o deghinou una “varietà linguistica di mediazione” (pàg. 5 de sa LSC);
d) is sardus no ant a essi, arraxonendi de lìngua sarda, prus agualis. Nci
ant a essi is pagus assortaus nàscius in Cabu de Susu chi ant a agatai sa limba me
is ofìtzius pùblicus e me is scolas, e nci ant a essi is medas malassortaus nàscius in
su Cabu de Bàsciu chi no ant a agatai sa lìngua in logu perunu. Is cuncursus ant a
favoressi a is pagus cun totu su dannu chi s’òmini giai podit cumprendi, ca, e seus
a sa disamistadi da sa lìngua, una minoria ndi at a pigai su cumandu culturali e
duncas polìticu e econòmicu de Sardìnnia.
1.2. Is duas normas
1.2.1. Poita is duas normas
Sa proposta nosta de una lìngua sarda a duas normas movit de is chistionis
afatantis:
a) fait contu de su tretu stòricu, culturali e econòmicu chi at fatu e est faendi
sa Sardìnnia (‡ 1.1.4.a); difatis, comenti eus a amostai tambeni (‡ 2.5.), sa proposta
nosta movit de su chi s’agatat e no de su chi no s’agatat (o s’agatat sceti ca
ddu ant fraigau in laboratòriu);
b) fait contu de s’arraxoni de dònnia òmini a sa lìngua de bartzolu (‡ 1.1.4.b);
c) fait contu ca una ditzisioni stòrica de mannària chi no tenit fini - che sa de su
pòpulu sardu chi po sa primu bia in sa stòria sua de milli e milli annus si destinat,
cumprendendi beni sa cosa, de si donai de manu sua etotu una lìngua - depit bessiri
de un’arraxonu mannu e de su parri siat de su chi est fitianu a sa lìngua sarda, siat
de is traballadoris de s’istrutzioni e de sa cultura, che scolas e universidadis, siat
de is logus cuncordaus po espressai e arrepresentai su parri de su pòpulu sardu, che
is Comunus, is Provìntzias e su Consillu regionali (‡ 1.1.4.c);
d) est fàula sa teoria ca si in d-unu Logu arreconnoscessint prus de una bariedadi
de sa matessi lìngua o prus lìnguas, su pòpulu chi ddoi bivit, in logu de abarrai
32