Arrègulas - Acadèmia de su Sardu

In totu is pluralis e in totu is formas verbalis sceberaus de no dda scriri, po no
arriscai puru de fai nasci dudas in su nùmeru de is sìllabas e duncas in s’acentadura,
giai chi scriendi una vocali in coa si fait allonghiai de una sìllaba su fueddu.
Creeus po contras de depi allogai in sa scridura un’àteru fenòmenu naturali de
su Camp. (e chi antzis ddu diferèntziat de su Log.), est a nai su chi nant s’aversioni
a sa /r-/ in conca de fueddu, arresòlvia cun s’aciunta de una vocali (giai sèmpiri sa
/a/) e s’afortiamentu de sa /r/ (vocali prostètica).
Po contras sa pròstesi (giai sèmpiri cun sa /i/) ananti a sa /s-/ + consonanti no est
aici fitiana in Camp. e no fait arrègula assumancu a su singulari, duncas sceberaus
de no dda scriri.
Totu is arrègulas po is vocalis paragògicas e prostèticas fait a ddas biri in sa
Tauledda 4 a pàg. 92.
A ùrtimu boleus arremonai ca, casi ca su Camp. est avesu a su fenòmenu de
aguantai sa vocali etimològica in mesu de duas consonantis oclusiva + lìcuida in
fueddus chi in italianu o in àteras lìnguas dda ant pèrdia, po analogia fitianamenti ndi
aciungit una no etimològica (chi ddi nant epentètica) in fueddus chi no dda teniant
o chi funt intraus in su sardu de s’italianu o de su spanniolu.
Nosu si pensaus de depi aguantai in sa norma custa naturalesa de su Camp. chi
megat de si perdi po nexi de s’atzioni sèmpiri prus poderosa de s’italianu.
VESPERUM ‡ èspuru (it. vespro)
LEPOREM (?) ‡ lèpuri (it. lepre)
LITTERAM ‡ lìtera / litra (sp. letra)
OPERA ‡ òbera / obra (sp. obra)
SEMPER ‡ sèmpiri / sempri (it. sempre)
QUATTUOR ‡ cuàturu / cuatru (it. quattro)
it. LIBRO ‡ lìburu / libru (it. libro)
it. antico ATRO ‡ àteru / àturu / atru (it. altro)
INTRO ‡ aìnturu / aintru (it. dentro)
88