Jaargang 8, nommer 2 – Augustus 2011 - LitNet
Jaargang 8, nommer 2 – Augustus 2011 - LitNet
Jaargang 8, nommer 2 – Augustus 2011 - LitNet
Create successful ePaper yourself
Turn your PDF publications into a flip-book with our unique Google optimized e-Paper software.
<strong>LitNet</strong> Akademies <strong>Jaargang</strong> 8(2) <strong>–</strong> <strong>Augustus</strong> <strong>2011</strong><br />
the study, “Generic markers in the short story cycle: Part 2: An application to Die dag toe ek<br />
my hare losgemaak het by Willemien Brümmer”, the theoretical issues discussed in this<br />
article are used as point of departure to determine how the tension between autonomy and<br />
coherence functions in Die dag toe ek my hare losgemaak het.<br />
Keywords: short story cycle, composite novel, autonomy, coherence, generic markers, unified<br />
volume of short stories, coherence markers, Willemien Brümmer, Die dag toe ek my hare<br />
losgemaak het<br />
Opsomming<br />
Hierdie artikel vorm die eerste deel van ‘n tweedelige studie oor die kortverhaalsiklus<br />
in Afrikaans, met spesifieke verwysing na Die dag toe ek my hare losgemaak het (2008) van<br />
Willemien Brümmer. Die belangrikste eienskap van hierdie genre is die aanwesigheid<br />
van spanning tussen die korter, outonome tekste waaruit die siklus bestaan en die<br />
groter, koherente geheel van die bundel. In hierdie artikel, wat die teoretiese onderbou<br />
van die studie vorm, word eerstens aandag gegee aan die onderskeid tussen<br />
eenheidsbundels en kortverhaalsiklusse. Tweedens word teoretiese genrekwessies<br />
rondom die kortverhaalsiklus breedvoerig aan die hand van die beskouings van Ingram<br />
(1971), Mann (1989), Dunn en Morris (1995), Lundén (1999) en Nagel (2004) ondersoek<br />
om ‘n bruikbare omskrywing van die kortverhaalsiklus daar te stel. Laastens word<br />
uitgebrei op ‘n aantal koherensiemerkers wat volgens Dunn en Morris (1995) skakels<br />
tussen afsonderlike verhale in ‘n kortverhaalsiklus kan bewerkstellig, naamlik ruimte,<br />
‘n enkele protagonis, ‘n kollektiewe protagonis, tekstuele patrone en vertelling. Hierdie<br />
teoretiese beskouing word in die tweede deel van die studie (―Generiese merkers in die<br />
kortverhaalsiklus: Deel 2: ‘n Toepassing op Die dag toe ek my hare losgemaak het van<br />
Willemien Brümmer‖) aangewend in ‘n ontleding van Die dag toe ek my hare losgemaak<br />
het om te bepaal hoe die generiese kodes van die kortverhaalsiklus in hierdie teks tot<br />
stand kom en wat die effek van die spanning tussen die outonome kortverhale en die<br />
groter siklus is. Gesamentlik poog hierdie twee artikels om ‘n bydrae te lewer tot ―‘n<br />
beskrywing van en terminologie vir die genre in Afrikaans‖ (Snyman <strong>2011</strong>) deur<br />
eerstens ‘n kritiese oorsig van internasionale beskouings oor die kortverhaalsiklusgenre<br />
te bied en tweedens ‘n toepassing daarvan aan die hand van ‘n Afrikaanse<br />
voorbeeld te onderneem.<br />
Trefwoorde: kortverhaalsiklus, saamgestelde roman, outonomie, koherensie, generiese<br />
merkers, eenheidsbundels, koherensiemerkers, Willemien Brümmer, Die dag toe ek my<br />
hare losgemaak het<br />
1. Inleiding<br />
Die afgelope paar jaar verskyn ‘n beduidende aantal tekste wat opgebou is uit ‘n aantal<br />
korter tekste wat elk ‘n afgeronde geheel is, maar tog op een of ander wyse met mekaar<br />
skakel sodat die korter tekste saam ook een of ander tipe geheel vorm. Alle paaie lei deur<br />
Die Strand (2008) word byvoorbeeld op die flapteks aangebied as Corlia Fourie se<br />
―tweede roman‖, maar Harper (2008:13) noem in haar resensie dat ―elke hoofstuk<br />
eintlik ‘n kortverhaal is wat ook selfstandig kan staan. Sommige hoofstukke is<br />
inderdaad voorheen as kortverhale gepubliseer.‖ Tog is die groter geheel ook ‘n<br />
eenheid wat as ‘n langer prosateks beskou kan word, aangesien die verskillende<br />
114<br />
ISSN 1995-5928 | Tel: 021 886 5169 | E-pos: akademies@litnet.co.za