Jaargang 8, nommer 2 – Augustus 2011 - LitNet
Jaargang 8, nommer 2 – Augustus 2011 - LitNet
Jaargang 8, nommer 2 – Augustus 2011 - LitNet
You also want an ePaper? Increase the reach of your titles
YUMPU automatically turns print PDFs into web optimized ePapers that Google loves.
<strong>LitNet</strong> Akademies <strong>Jaargang</strong> 8(2) <strong>–</strong> <strong>Augustus</strong> <strong>2011</strong><br />
Dit is nie die geval met wat tradisioneel in Afrikaans die eenheidsbundel genoem word<br />
nie. Die mate van koherensie in die eenheidsbundel is meestal beduidend minder as in<br />
die kortverhaalsiklus, want by die eenheidsbundel skep die gedeelde tema, stemming<br />
of verteltegniek hoogstens ‘n geheelindruk, maar sonder dat die afsonderlike verhale<br />
binne bundelverband ‘n bykomende betekenis of interpretasiemoontlikheid verkry wat<br />
verlore gaan wanneer die verhale in isolasie gelees word. Gevolglik is die hantering van<br />
elemente wat eenheid in die eenheidsbundel skep, soms minder funksioneel of word dit<br />
‘n ―kunsmatigheid‖ (Aucamp 1978:56). In die kortverhaalsiklus, aan die ander kant, is<br />
die skakeling tussen verhale meestal funksioneel beide op kortprosa- en eenheidsvlak.<br />
Daar bestaan egter nie deurlopende konsensus oor die funksionaliteit van<br />
eenheidsmerkers in die interpretasie van hierdie tipe tekste nie.<br />
Die resepsie van ’n Wêreld sonder grense belig ook ‘n ander kwessie oor die<br />
kortverhaalsiklus. Aucamp (1984:12) noem in sy resensie van die teks ‘n aantal<br />
voorbeelde van ―aaneengeskakelde kortverhale‖ in die Engelse en Duitse letterkunde,<br />
onder andere Winesburg, Ohio van Anderson en Dubliners van Joyce. Alhoewel Aucamp<br />
nie spesifiek die term gebruik nie, beskou teoretici van die kortverhaalsiklus hierdie<br />
twee Engelstalige kortverhaalbundels as voorbeelde van die kortverhaalsiklus. Aucamp<br />
is egter huiwerig om ’n Wêreld sonder grense met hierdie vorm te verbind, aangesien die<br />
spanning tussen outonomie en koherensie in Strachan se teks anders is as in dié van<br />
Anderson en Joyce:<br />
Tog is al die verhale in die gemelde bundels [onder meer Anderson se<br />
Winesburg, Ohio en Joyce se Dubliners] outonoom, soos bloemlesings keer op<br />
keer uitwys, al sou die tematiese of streeksverwantskap tussen verhale hóé<br />
sterk wees. Dis hier waar Strachan se bundel problematies word. Behalwe dat<br />
sommige karakters deurlopend is, is daar ook kruisverwysings wat die<br />
outonomie van afsonderlike tekste raak. Die openingsverhaal, ―Herinnering‖,<br />
en ―Grootmanne se hoesgoed‖, is waarskynlik die beste voorbeelde van<br />
selfstandige kortverhale, maar die slotteks, ―Visioen‖, steun byvoorbeeld swaar<br />
op die leser se voorkennis van Jock. (Aucamp 1984:12)<br />
As gevolg van hierdie kwessies oor outonomie van die afsonderlike tekste in die bundel<br />
beskou Aucamp ’n Wêreld sonder grense eerder as ―‘n bepaalde soort roman‖. Die<br />
wisselende mates van outonomie van die tekste in ’n Wêreld sonder grense <strong>–</strong> met sekere<br />
tekste wat as outonome kortverhale beskou kan word (soos ―Grootmanne se<br />
hoesgoed‖) en ander wat nie op sigself heeltemal geslaagd is nie en eerder ander tekste<br />
in die bundel ondersteun (soos ―Die muurprent‖) en nog ander wat nie eintlik<br />
outonoom kan funksioneer nie, maar tog funksioneel vir die bundel is juis omdat dit ‘n<br />
verdere interpretatiewe sleutel verskaf (soos ―Visioen‖) <strong>–</strong> veroorsaak dat teoretici<br />
verskil in hulle klassifikasie van die teks: volgens Aucamp (1984) is hierdie teks eerder<br />
―‘n bepaalde soort roman‖ omdat nie al die tekste outonoom kan funksioneer nie; Van<br />
Coller (1984) beskou ’n Wêreld sonder grense as ‘n prosasiklus; vir Anker (2008:99) is die<br />
teks eerder ‘n novelle; Snyman (<strong>2011</strong>) en Scheepers (2010) beskou albei hierdie teks as ‘n<br />
eenheidsbundel; en Smuts (1984) kom tot die slotsom dat ’n Wêreld sonder grense ‘n<br />
nuwe subgenre daarstel en ‘n hibriede vorm iewers tussen die eenheidsbundel en die<br />
episodiese roman is. Tog raak hierdie teoretici sonder uitsondering een van die sentrale<br />
kwessies van die kortverhaalsiklus aan, naamlik die spanning tussen outonomie en<br />
koherensie. Dit is sentraal tot die kortverhaalsiklus, soos Ingram (1971:19) aandui:<br />
"Every short story cycle displays a double tendency of asserting the individuality of its<br />
components on the one hand and of highlighting, on the other hand, the bonds of unity<br />
which make the many into a single whole.‖<br />
122<br />
ISSN 1995-5928 | Tel: 021 886 5169 | E-pos: akademies@litnet.co.za