Jaargang 8, nommer 2 – Augustus 2011 - LitNet
Jaargang 8, nommer 2 – Augustus 2011 - LitNet
Jaargang 8, nommer 2 – Augustus 2011 - LitNet
Create successful ePaper yourself
Turn your PDF publications into a flip-book with our unique Google optimized e-Paper software.
<strong>LitNet</strong> Akademies <strong>Jaargang</strong> 8(2) <strong>–</strong> <strong>Augustus</strong> <strong>2011</strong><br />
slegs vir vroueskrywers beskore, en hy sien ook nie kans om sy seksuele wasgoed in die<br />
openbaar op te hang (soos Kleinboer) nie.<br />
Van sy siniese vriend kry hy die volgende ses wenke (64):<br />
Skrywe oor enigiets wat esoteries is, want resensente is dol daaroor <strong>–</strong> “kak soos<br />
intertekstualiteit en so aan […] resensente is mal daaroor en dit laat hulle slim<br />
voel as hulle dit raak sien. Veral Joan Hambidge is goed daarmee en miskien<br />
gooi sy ’n bietjie van Umberto Eco en die semiotiek in. En as jy gelukkig is, dan<br />
fok sy jou nie op met ’n verwoestende resensie nie.”<br />
“Die ander formule is om ’n moderne weergawe van ’n ou storie te doen.”<br />
“En dan kan jy natuurlik heeltemal jags wees en net oor naai skryf.”<br />
“Of jy kan oor dwelmmiddels skryf.”<br />
“[D]aar is eintlik net iets soos tien of so stories […] alles is eintlik ’n klomp kak<br />
wat al reeds geskryf is.”<br />
“[V]eral jong skrywers moet skryf oor die goed waarmee hulle vertroud is.”<br />
Veel later vra Lourens se uitgewer sy hiperpolities-korrekte redakteur: “Maar is dit nie<br />
die doel van skrywers, van kunstenaars om heeltyd die heersende orde te bevraagteken<br />
nie? Om vrae te vra, om heilige koeie te slag om […] die hele openbare diskoers eerlik te<br />
hou nie?” (176).<br />
So word hierdie boek wat “nooit geskryf [is] vanuit die benoude dampkring van die<br />
Afrikaanse literêre wêreld nie” (196) ’n ernstige besinning oor die vraag wat dit beteken<br />
om in die huidige tydsgewrig in Afrikaans te skrywe. Nie in die vorm van ’n<br />
metaroman of postmodernistiese geskrif wat maklik as pretensieus sou kon deurgaan<br />
nie, maar juis in die vorm van ’n (skadelose) ontspanningswerk. Hierdie roman word<br />
sodoende ’n “terugskryf” teen die kanon in, eintlik teen die eietydse bewakers van die<br />
kanon wat politiese korrektheid só verabsoluteer dat eerlikheid by die deur uitgegooi<br />
word.<br />
10. Samevatting<br />
Met hierdie ondersoek wou ek eerstens aantoon dat die middelmootliteratuur, en dus<br />
ook letterkunde, die teenhanger daarvan, onderskei (kan) word as aparte kategorieë.<br />
Werke wat as middelmoot, “middlebrow”, “middelmaat” of selfs “populisties”<br />
beskrywe word, is meestal toeganklik, (lokaal-)realisties en maatskaplik betrokke. ’n<br />
Eenvoudige verhaalstruktuur, ouktoriële vertelwyse, “telling” eerder as “showing”,<br />
blokkarakterisering, groot ooreenstemming tussen storie en verhaal, en beantwoording<br />
aan lesersverwagtings word wyd gesien as kenmerkend van hierdie tipe literatuur (kyk<br />
o.a. Botha, Botha, Olivier e.a. 1990:85-107).<br />
Dit is egter ook so dat bepaalde werke binne ’n bepaalde historiese tyd as middelmoot<br />
geklassifiseer word omdat hulle nie beantwoord aan die heersende ideologiese en/of<br />
poëtikale opvattings nie. Uit Roos (1992:49<strong>–</strong>51) se opname blyk duidelik dat al drie die<br />
“damesromans” waarna sy verwys wat taal en styl betref, hoegenaamd nie agter staan<br />
by tydgenootlike romans van manlike skrywers soos D.F. Malherbe en Jochem van<br />
Bruggen nie; hier “is ’n skerper toon, ’n meer betrokke tematiek, ’n realistieser<br />
84<br />
ISSN 1995-5928 | Tel: 021 886 5169 | E-pos: akademies@litnet.co.za