Jaargang 8, nommer 2 – Augustus 2011 - LitNet
Jaargang 8, nommer 2 – Augustus 2011 - LitNet
Jaargang 8, nommer 2 – Augustus 2011 - LitNet
Create successful ePaper yourself
Turn your PDF publications into a flip-book with our unique Google optimized e-Paper software.
<strong>LitNet</strong> Akademies <strong>Jaargang</strong> 8(2) <strong>–</strong> <strong>Augustus</strong> <strong>2011</strong><br />
“morele debatte” en die stories hervertel asof dit gaan om avonture van die bure. Veral<br />
bring Vaessens die morele standpunte van die verskillende personasies in kaart en dui<br />
hy die simboliese ruimtes aan waarbinne die romans hulle afspeel. Maar oor die manier<br />
waarop morele kwessies aan die orde gestel word, swyg Vaessens; ook oor skryfwyses,<br />
stilistiese en retoriese repertoire en die skryftradisie waarbinne die werk staan (2010:3).<br />
Al die aspekte waarna ’T Hart hier verwys, word gewoonlik gesien as kenmerkend van<br />
letterkundige werke. ’n Ander vraag wat gestel sou kon word, is in watter mate die<br />
skrywers wat Vaessens uitkies, werklik as verteenwoordigend van die eietydse<br />
Nederlandse romans gesien kan word en of maatskaplike betrokkenheid vir hulle almal<br />
vooropstaan.<br />
In sy Kellendonk-lesing maak die digter Komrij (<strong>2011</strong>) ’n hele paar stellings wat met die<br />
voorafgaande verband hou en inspeel op die hele polemiek van “straatrumoer” sonder<br />
om maar een maal na enige kritikus, skrywer óf boek te verwys. Die skrywer is die<br />
draer van maskers wat aan hom ook ’n sekere immuniteit verleen, asof hy beskut is<br />
deur die hortus conclusus , die ommuurde tuin. Van die skrywer kan verwag word dat<br />
hy met beide bene binne die maatskappy staan, maar nie as persoon wat ou vroutjies<br />
die straat oorhelp of “outentieke” karakters skep wat vir die gemiddelde leser bestem is<br />
nie, “het befaamde middelbare meisje dat verslingerd is aan chicklit en dat soort Kluunliteratuur”<br />
(Komrij <strong>2011</strong>:15).<br />
Skrywers skryf nie altyd oor hulself nie en daar hoef nie altyd empatie met<br />
romanpersonasies te bestaan nie: “[W]at ons word aangesmeerd als ’maatschappelijk<br />
bevlogen’ of ’uit het leven gegrepen’ literatuur is welbeschouwd een literatuur die<br />
parasiteert op een verstikkende alledaagsheid en ons geen enkel uitzicht of vergezicht<br />
biedt” (Komrij <strong>2011</strong>:18). Wat Komrij die markgedrewe moderne era verwyt, is die<br />
beheptheid met die sogenaamde “realistiese weergawe” soos wat die mense dan graag<br />
sou wou hê. En die aandrang daarop dat “toeganklike” werke “na die mense gebring”<br />
moet word.<br />
Waarvoor Komrij pleit, is geen estetiese houding van afsydigheid nie. Maar die<br />
literatuur kan nooit straatrumoer wees nie. Literatuur behoort tot die siel van die<br />
gemeenskap en behoort ernstig opgeneem te word. Dit kan lughartig wees, maar blote<br />
verstrooiing kan dit ook nie wees nie. Groot literatuur, “dat complex van traditie, topoi<br />
en grandiose verhaallijnen”, is opgeoffer aan politieke gedienstigheid. Sonder sy<br />
afstand en sy “maskers” is die literatuur gedoem.<br />
8. “The middlebrow talks back”: Die weerwraak van die<br />
middelmoot<br />
Van Boven (2009:288) wys daarop dat die term middlebrow een is wat moeilik as neutrale<br />
beskrywende term gebruik kan word, al is daar baie pogings in hierdie verband. ’n<br />
Verdere groot probleem is om die sosiologiese standpunt (wat deur o.a. Bourdieu<br />
voorgestaan word en deur Huigen aangehang word) te versoen met ’n meer teksgerigte<br />
benadering (soos in Angelsaksiese studies) waarna Van Boven verwys. Van Boven<br />
(2009:288) staan ’n benadering voor wat “middlebrow” sien as ’n groep werke met ’n<br />
generiese identiteit van sy eie <strong>–</strong> omdat, sê sy, “we anders niet verder komen dan een<br />
herhaling van het beeld van de middlebrow-roman als […] the ‘other’ of the modernist<br />
or avant-garde novel”.<br />
In haar benadering fokus sy dus op die “middlebrow”-romans as ’n groep werke met ’n<br />
eie posisie en eie agenda, dus vermenging van hoë en triviale elemente. Verder gaan sy<br />
79<br />
ISSN 1995-5928 | Tel: 021 886 5169 | E-pos: akademies@litnet.co.za