Descarga en formato PDF - Centro Ramón Piñeiro para a ...

Anatolij Baránov e Dmitrij Dobrovol’skij. Aspectos teóricos da fraseoloxía
parcialmente dos resultados da actividade psíquica doutra (de quen enuncia o texto),
comp. a inadmisibilidade de exemplos do tipo: *Урфин Джюс с неудовольствием
сказал, что черт побери [*Urfin Jius dixo con desagrado que o demo colla]; *Она
недовольно сказала, что хорош гусь [*Ela dixo, con aire descontento, que el é un bo
ganso]; *Она обрадовалась, что гляди ж ты! [*Ela aledouse de que ‘mira ti!’]. En
cambio, nestes casos a reprodución en estilo directo é totalmente posible (véx.
exemplos anteriores). No caso do estilo indirecto reprodúcese sobre todo unha
proposición do que foi dito, e nas fórmulas de fala-respiradoiros non existe unha
proposición coma tal, pero hai, metaforicamente, un acto de liberación da enerxía
psíquica destrutiva. A ausencia dunha proposición nestas expresións (en todo caso no
sentido universalmente aceptado) fainas sintacticamente impenetrables. Nelas é
imposible, por exemplo, introducir unha negación, comp. *не батюшки светы! [*non
pais santos!]; *не откуда что берется! [*non de onde vaia cousa aparece!]; *не где
это видано [где это слыхано]! [*non onde foi visto isto [onde foi oído]!], *не вот
те [и] на! [*non velaquí eses [e] en!] etc. Por esta mesma razón as UUFFrespiradoiros
non poden estar no campo de acción de diferentes marcos modais, comp.
a imposibilidade de *Как мне кажется, черт побери! [*Como me parece, que o
demo o leve!]; *Как мне представляется совершенно неожиданным, вот те на!
[*Como me parece totalmente inesperado, vaia!]; *Я утверждаю: Хорош гусь! [*Eu
confirmo: vaia elemento!].
Aproveitaremos para sinalar que estas e outras limitacións semellantes son propias de
outros tipos de fórmulas discursivas (aínda que se poden explicar por outros motivos).
No modelo semántico do significado, as fórmulas discursivas que estamos a abordar
teñen que conter unha referencia á emoción que xurdiu na situación comunicativa, por
exemplo ‘reaccionando á emoción X que xurdiu en min e que intento expresar, despois
de diminuí-la súa intensidade digo...’.
2.4.5. Fórmulas de resposta
Un tipo especial de fórmulas de fala constitúeno UUFF que son o segundo elemento de
dous actos de fala relacionados ilocutivamente. Este acto de fala é requirido
ilocutivamente polo anterior e, en xeral, reproduce algunhas particularidades fonéticas
do acto de fala precedente. As seguintes UUFF forman parte deste grupo: [– Ну?] –
Баранки гну [/Nu? Baranki gnu/ (Que?) Retorzo roscas]; [– Где?] – У тебя на
бороде [/Gde? U tebia na borode/ (Onde?) Na túa barba!]; [– Откуда?] – От
верблюда [/Otkuda? Ot verbliuda/ (De onde?) Do camelo]; [– Куда?] – На кудыкину
гору [/Kuda? Na kudikinu goru/ (A onde?) Á montaña de Kudik]; [– Почему?] По
качану [/Pochemú? Po kachanú/ (Por que?) Polo canoto]; [– Говорят.] – Кур доят
[/Govoriat. Kur doiat/ (Din) Muxen polos]; [– Привет!] – Привет от старых
штиблет [/Privet. Privet ot starigh xtiblet/ (Ola!) Ola de parte dos vellos zapatos]; [–
Как дела?] – Как сажа бела! [/Kak delá. Kak saja belá/ (Que tal?) Coma a feluxe
branca!]. Chamarémolas fórmulas de resposta.
Centro Ramón Piñeiro para a Investigación en Humanidades. Santiago de Compostela 2009 95