Descarga en formato PDF - Centro Ramón Piñeiro para a ...

Anatolij Baránov e Dmitrij Dobrovol’skij. Aspectos teóricos da fraseoloxía
Operación 3: IntKn (Kn2 [alto grao], Slot3 [intensidade do consumo], Frame1
[consumo de alcohol])
A última operación non é moi obvia no contexto das anteriores, pero os contextos
demostran que realmente está presente na xeración do significado real, xa que пить
горькую [beber unha amarga] non significa simplemente ‘consumir bebidas
alcohólicas’: véx. a definición anterior.
Na UF чесать репу [raña-lo nabo, ‘esforzarse pensando para resolver un problema’]
está presente unha variante máis da lóxica da SUBSTITUCIÓN. A diferenza da UF
положить/уложить на [обе] лопатки (кого-л.) [poñer/colocar (alguén) en
(ámbalas dúas) pas, ‘demostrarlle a alguén unha clara superioridade’], onde a
interacción se realizaba entre dous frames cunha estrutura comparable, neste caso
interactúan dous frames que se diferencian moito na súa estrutura: o frame fonte
NABO e o frame meta PENSAMENTO.
RAÑA-LO NABO
Frame fonte: NABO
Frame meta: PENSAMENTO
Operación 1: HlKn (Kn1 [cabeza], Slot1 [instrumento de pensamento], Frame1
[pensamento])
A primeira operación é a posta de relevo do contido ‘cabeza’ do slot «instrumento de
pensamento» do frame PENSAMENTO.
Operación 2: IntKn (Kn2 [semellanza coa cabeza], Slot2 [forma], Frame2 [nabo])
No seguinte paso ten lugar a introdución do contido ‘semellanza coa cabeza’ no slot
«forma» do frame NABO.
Operación 3: ElKn (Kn1 [cabeza], Slot1 [instrumento de pensamento], Frame1
[pensamento])
Do frame PENSAMENTO elimínase o contido ‘cabeza’ do slot «instrumento de
pensamento».
Operación 4: IntKn (Kn1 [=0], Kn2 [Frame2 [nabo]], Slot1 [instrumento de
pensamento], Frame1 [pensamento])
O contido do frame NABO introdúcese no slot «instrumento de pensamento» do frame
PENSAMENTO.
236 Centro Ramón Piñeiro para a Investigación en Humanidades. Santiago de Compostela 2009