Descarga en formato PDF - Centro Ramón Piñeiro para a ...

Anatolij Baránov e Dmitrij Dobrovol’skij. Aspectos teóricos da fraseoloxía
удержавшись, Миусов [É xusto o momento —berrou Fedor Pávlovich—, e o meu fillo
Dmitrii Fédorovich aínda non está aquí. Descúlpome por el, santo ancián! (...) Eu
mesmo son sempre moi puntual, ó minuto, lémbrome de que a puntualidade é a
educación dos reis...—Pero é que vostede ? pola medida extrema non é un rei —
rosmou de contado Miusov, sen controlarse] (Os irmáns Karamázov). O último
exemplo resulta máis afortunado se o campo de acción de по крайней мере [pola
medida extrema] se estende ó pronome вы [vostede], e non ó compoñente con negación
explícita не король [non é un rei]. Está claro que aquí tamén desempeña un papel o
modelo de significado P de по крайней мере [pola medida extrema], xa que a partir do
significado de ‘non é un rei’ non se poden reconstruír outros elementos do conxunto
nin o parámetro da súa formación: barón, duque? Ou ó contrario, emperador? Non
obstante, daquela non resulta evidente a maneira en que estes elementos concordan coa
semántica de todo o enunciado. Resulta moito máis sinxelo facer isto no contexto con
semántica cuantitativa analizado anteriormente.
O feito de que o exemplo (87) sexa desafortunado: менеджер сам должен быть по
меньшей мере не худшим профессионалом [o propio xefe ten que ser pola medida
menor un profesional non peor] tamén está relacionado coa presenza dunha negación
no campo de acción da UF по меньшей мере [pola medida menor], o que dificulta a
construción dun conxunto xerárquico ben organizado. Dado que a UF по крайней мере
[pola medida extrema] non require unha ordenación rigorosa do conxunto, resulta máis
aceptable neste contexto: (87') менеджер сам должен быть по крайней мере не
худшим профессионалом [o propio xefe ten que ser pola medida extrema un
profesional non peor].
Os contextos de xeneralización incompleta que son introducidos por xeneralizadores
coma большинство, большая часть, многие [maioría, gran parte, moitos] son
incompatibles coa UF по меньшей мере [pola medida menor]. O que acontece é que o
modelo proposicional desta unidade indica que para o elemento q máis próximo a x a
proposición P non ten lugar, pero non resulta evidente como é ese elemento q. Se x é a
maioría, daquela o elemento «máis próximo» (movemento en dirección á minoría) non
ten por que deixar de formar parte da maioría en absoluto. Noutras palabras, a
«maioría» é unha zona máis ca unha unidade concreta. A representación a modo de
escala nun modelo-T tamén indica os problemas que presenta по меньшей мере [pola
medida menor]: as unidades da escala na que se realiza a selección non están definidas
con suficiente nitidez; ou ben se trata de puntos cuantitativos que son descritos coma ‘a
maioría vs. a minoría’, ou ben toda a escala está representada polos puntos ‘todos - a
maioría - a minoría - ninguén’. Esta indefinición tamén xera unha restrición.
Sinalaremos que por ese mesmo motivo o lexema меньшинство [minoría] tampouco
pode estar no campo de acción de по меньшей мере [pola medida menor]: Я искренне
надеюсь что людей думающих как ты – очень маленький процент или по
крайней мере/*по меньшей мере меньшинство [sinceramente espero que a xente
que pensa coma ti sexa unha porcentaxe moi pequena ou pola medida extrema/*pola
medida menor unha minoría].
Centro Ramón Piñeiro para a Investigación en Humanidades. Santiago de Compostela 2009 181