Descarga en formato PDF - Centro Ramón Piñeiro para a ...

Anatolij Baránov e Dmitrij Dobrovol’skij. Aspectos teóricos da fraseoloxía
provisións de varas, xa ennegrecidas e esgazadas (V. Rasputin. O derradeiro
prazo, Последний срок).
(83) Toda a miña biografía é unha cadea de coincidencias ben organizadas. Hа
каждом шагу/*на каждом углу [a cada paso/*en cada recanto] distingo o
dedo sinalador signo do destino (S. Dovlátov. A zona, Зона).
A imposibilidade de empregar на каждом углу [en cada recanto] no exemplo (82)
indica que esta UF non se pode utilizar con relación a espazos deshabitados coma unha
fraga. Isto está relacionado co feito de que a forma interna desta UF está viva para o
falante e, ó ser parte do plano do contido, inflúe no seu uso. O grao de esvaecemento da
metáfora que se atopa na base de на каждом шагу [a cada paso] é un pouco máis alto
en comparación co de на каждом углу [en cada recanto]. Isto permite utilizala en
contextos máis abstractos, comp. (83), e posibilita a formación dun significado
temporal baseado no espacial (o que non é posible no caso de на каждом углу [en
cada recanto]). Comp. Николай грубит на каждом шагу [Nikolai di insolencias a
cada paso] e a evidente anomalía deste significado en ??? Николай грубит на каждом
углу [ ??? Nikolai di insolencias en cada recanto].
Poderíase pensar que na oposición das UUFF obxecto de análise, a expresión на
каждом углу [en cada recanto] está marcada, é dicir, que en tódolos exemplos на
каждом углу [en cada recanto] se pode substituír por на каждом шагу [a cada paso],
pero non ó contrario (é dicir, están unidas por unha relación privativa), mais isto non é
así; en contextos do tipo (84) e (85) esta substitución non é aconsellable:
(84) Isto proclámano a berros на каждом углу/ ?? на каждом шагу [en cada
recanto/ ?? a cada paso].
(85) Nun país onde se comercia abertamente на каждом углу/ ?? на каждом шагу
[en cada recanto/ ?? a cada paso] e é como se todo se fixese para saturar de
mercadorías o mercado e, polo tanto, baixa-los prezos do comercio polo
miúdo, non hai sitio para o principal protagonista, o que produce estas mesmas
mercadorías coa súa propia suor (Moskóvskii komsomólets, Московский
комсомолец) 107 .
Toda a cuestión radica de novo na forma interna. Ó emprega-la UF на каждом шагу
[a cada paso] o falante inclúe o suxeito da observación na situación que se está a
describir (é como se o suxeito fose e observase o que está a acontecer), mentres que на
каждом углу [en cada recanto] non require a inclusión do suxeito da observación na
situación, permitíndolle «mirar dende a marxe».
107 É posible unha ampliación de significado estándar, relacionada co debilitamento dos compoñentes
espaciais do significado propiamente ditos: «Реформаторы» взорвали оборонный комплекс и кричат на
каждом углу, что он висел на шее у государства [Os «reformistas» voaron o complexo defensivo e
berran en cada recanto que este vivía a conta do estado] (Sobesédnik, Собеседник). Neste contexto, a UF
enténdese máis ben co significado de ‘moito’.
156 Centro Ramón Piñeiro para a Investigación en Humanidades. Santiago de Compostela 2009