Descarga en formato PDF - Centro Ramón Piñeiro para a ...

Anatolij Baránov e Dmitrij Dobrovol’skij. Aspectos teóricos da fraseoloxía
non se fixo realidade ata a actualidade, pois tal dicionario xa foi creado, véx. Tesouro.
Convén sinalar, aínda así, que a primeira entrada, da cal se vén de mostrar un
fragmento, tamén contén información importante sobre as funcións semióticas
secundarias das entidades materiais, dado que unha gran parte delas non é evidente, nin
moito menos, comp. красный [vermello] co significado de ‘fermoso’ (significado
secundario, plasmado mesmo nos dicionarios monolingües da lingua rusa) e красный
[vermello] co significado de ‘principal, importante’ (compoñente do significado que se
deduce unicamente do plano do contido da UF).
***
A categoría das entidades materiais, introducida nesta sección do libro, é xeneralizante
con respecto ás categorías simbólicas e con respecto ás de aparencia simbólica, fixadas
dun xeito ou doutro no sistema da lingua. Estas últimas están incluídas nas categorías
materiais coma subconxuntos. Tal ampliación resulta moi útil para a descrición
lexicográfica e para a revelación dos compoñentes do significado das unidades da
lingua que están relacionados co compoñente figurativo do plano do contido das
expresións lingüísticas.
3.4. A forma interna como fenómeno lingüístico e cognitivo
A forma interna das UUFF é unha formación complexa que posúe diferentes aspectos.
Por unha banda, é parte do plano do contido e non só no sentido de que inflúe no
significado real e de que lle impón restricións á combinabilidade das UUFF, senón
tamén no sentido de que o falante da lingua, ó utilizar unha UF, non pode absterse da
imaxe xerada por esta. Isto maniféstase tanto nos casos de xogos de palabras coas
UUFF coma no carácter figurativo-expresivo da idiomática, subliñado por
practicamente tódolos investigadores-fraseólogos. Para reflecti-la achega da forma
interna no plano do contido neste capítulo ofreceuse un aparato metalingüístico:
estratexias de representación autónoma e integral. No último caso, para representa-la
forma interna no modelo de significado lexicográfico (na definición) utilízanse
operadores especiais, así coma a técnica implícita de considera-la influencia da forma
interna no significado real.
A forma interna, ademais, é un fenómeno cognitivo. Isto foi demostrado de maneira
convincente en varios experimentos psicolingüísticos levados a cabo por especialistas
en psicoloxía cognitiva americanos e italianos. Por isto mesmo, a forma interna é unha
unidade propiamente dita do lingüístico e do cognitivo. O aspecto cognitivo da forma
interna maniféstase, cando menos, en que esta posúe unha realidade psicolóxica para o
falante da lingua. Pero isto non é todo nin moito menos. Un dos obxectivos dos
experimentos psicolingüísticos levados a cabo consistía en amosar que o significado
real está motivado pola forma interna, pero evidentemente non no sentido de que este
sempre se poida predicir baseándose no compoñente figurativo, senón no sentido de
que se poden indica-los fundamentos da motivación. De feito, G. Lakoff (en Лакофф
2004: 578 e seguintes) analiza como exemplo a motivación da UF inglesa to keep
214 Centro Ramón Piñeiro para a Investigación en Humanidades. Santiago de Compostela 2009