Descarga en formato PDF - Centro Ramón Piñeiro para a ...

Anatolij Baránov e Dmitrij Dobrovol’skij. Aspectos teóricos da fraseoloxía
estranxeiro entenda que está vivindo не у Пронькиных [non na casa dos
Próñkini]. É dicir: o casino Gabriela, o bar español Оsborn, un restaurante
chinés e outro mexicano e outros puntos máis de lecer e alimentación cultural
(V. Matizen. Stolitsa, Столица).
Nestes contextos a UF que estamos a analizar resulta totalmente orgánica. Aínda así, o
uso desta expresión para describir e valorar elementos culturalmente específicos
doutros países dificilmente se pode considerar normal. Compárese o contexto (15), o
cal, aínda que auténtico, non deixa de ser estraño e no que se contrapoñen as
denominacións de elementos culturais específicos de Australia e de Europa:
(15) En Sidney tamén hai novidades: se en outono apareceu aquí o primeiro casino
xigante, agora abriron os dous primeiros prostíbulos legais. Не у
Пронькиных! [non é coma na casa dos Próñkini!] Que Europa non pense que
isto é unha provincia perdida! (Xorn. int.).
Este tipo de UUFF tampouco son axeitadas para as traducións de textos artísticos,
particularmente cando os personaxes empregan o estilo directo (comp. disquisicións
semellantes en Eismann 1995: 101). No artigo de Segura García 1997: 224, dedicado á
análise das traducións de Mario Vargas Llosa ó alemán, indícase a imposibilidade de
traduci-la UF el chino de la esquina (‘pequena tenda de comestibles de tipo
tradicional’), cun uso moi estendido na variante peruana do español, pola UF alemá
equivalente Tante-Emma-Laden (lit. «a tenda da tía Emma»). En realidade, tanto a
primeira coma a segunda denominación están condicionadas cultural e historicamente.
No primeiro caso, considérase que o ámbito tradicional dos negocios dos chineses en
América Latina (tamén en parte de América do Norte) estaba relacionado
orixinalmente coa apertura de pequenas tendiñas con mercadorías de uso cotián, que
estaban abertas case 24 horas ó día; moi a miúdo situábanse na intersección de dúas
rúas: na esquina. En realidade, isto é unha copia das prácticas de facer negocios dos
comerciantes do Sueste Asiático: as pequenas tendas de comestibles en Taiwan, en
Hong Kong e en Macau dispóñense do mesmo xeito. A UF alemá, en troques, contén
un nome propio de muller que practicamente xa non se usa, asociado na conciencia dos
falantes da lingua á sinxeleza e a un modo de vida tradicional. A causa disto, tanto a
primeira coma a segunda expresión unicamente se poden entender no marco de
cadanseu contexto cultural.
O enfoque introspectivo fundaméntase na idea da existencia de características nacionalculturais
«inmanentes», independentemente das características específicas doutras
linguas e culturas. A heurística da investigación neste campo parece que ten que apelar,
en primeiro lugar, a métodos psicolingüísticos. A investigación formúlase coma a
busca dunha resposta á pregunta de en que consiste a especificidade nacional da lingua
ós ollos dos seus falantes. Os métodos de investigación máis axeitados son o
cuestionario de preguntas e diferentes textos dirixidos a aclara-las actitudes dos falantes
da lingua con respecto ós feitos lingüísticos (tanto con respecto a UUFF específicas
coma ós seus contextos de uso). Por exemplo, un sinal de especificidade nacional
Centro Ramón Piñeiro para a Investigación en Humanidades. Santiago de Compostela 2009 263