Descarga en formato PDF - Centro Ramón Piñeiro para a ...

Anatolij Baránov e Dmitrij Dobrovol’skij. Aspectos teóricos da fraseoloxía
опять заварил? [Que papa cociñaches agora?]; Боюсь, что нам еще долго
придется расхлебывать заваренную им кашу [Temo que dentro dun tempo teremos
que desface-la papa que cociñou], onde o compoñente каша [papa] pode ser
modificado por pronomes demostrativos e adxectivos, atoparse no campo de acción
dunha pregunta específica etc. Compárese (26) e tamén os exemplos ingleses de
Nunberg, Sag, Wasow (1994: 502), que ilustran as posibilidades de modificacións
anafóricas (27) e o desprazamento da parte nominal da UF á posición tópica (28):
(26) а. Ai Señor! Dure o que dure isto ha de chega-lo final. Que заварил кашу!
[papa cociñou!] Que кашу... [papa] para que! (V. Rasputin. Vive e lembra,
Живи и помни). b. Pero para que valen os seus esforzos, se aí está
Rostóvtsev, mentireiro e aduaneiro? El, por suposto, se non perdese o interese
polo movemento dos ‘preocupados polo futuro’ había de кашу заварил
[cociñar unha papa] máis na súa fila. Na oficina de Malibán renxerían sen
para-las máquinas rexistradoras, mentres que el, Danílov, tocaría a viola
(V. Orlov. Altist Danilov, Альтист Данилов). c. É un gran misterio por que
«Rosghlebprodukt» suprimiu o centeo. Pero a inestabilidade na formación do
mercado dos cereais na escala de Rusia é un verdadeiro drama. É lóxico que
aquel mesmo que заварил кашу [cociñou unha papa] comece a ее
расхлебывать [desfacela] (Moskóvskii komsomólets, Московский
комсомолец). d. O candidato das ciencias xurídicas Aleksándr Peghterev, ó
se atopar ó mesmo tempo entre os clientes de dous bancos fracasados, do
«Chara» e mais do «Gorni Altai», supón que, por moito que se esforcen os
servidores do Femid ruso en расхлебывать кашу, заваренную [desface-la
papa cociñada] no mercado financeiro por homes de negocios con mala fe,
estes han de precisar un ano máis: as dimensións do acontecido son demasiado
grandes (Izvestia, Известя).
Naturalmente, en contextos non-estándar pódese utilizar practicamente calquera
modificación dunha UF. Falar aquí de calquera das regras tería pouco sentido; a
principal complicación consiste no feito de que é difícil establece-la fronteira entre as
transformacións estándar e non-estándar dunha UF baseándose en criterios claros e
comprobables. Clasificar cada modificación concreta coma estándar ou non-estándar
depende en gran medida das condicións do contexto e da recepción individual. En
principio, calquera diverxencia con respecto á forma do dicionario pódese contemplar
coma un uso máis ou menos non-estándar. É obvio que no estudo posterior das
transformacións sintácticas apoiámonos en gran medida na propia intuición. Agás nos
casos mencionados especificamente, intentamos utilizar unicamente aqueles contextos
que (mesmo con certa liberdade propia do estilo xornalístico) non conteñen infraccións
inequívocas da norma literaria e que non teñen un carácter de claro xogo de palabras.
Así, os exemplos 26a, b, d diverxen, en certo modo, da norma. Neste caso é importante
o feito de que ilustran as transformacións semántico-sintácticas das UUFF que se
atopan no discurso coloquial actual.
(27) Although the FBI kept tabs on Jane Fonda, the CIA kept them on Vanessa
Redgrave. «Aínda que o FBI mantiña etiquetas sobre Jane Fonda, a CIA
mantíñaas sobre Vanessa Redgrave».
318 Centro Ramón Piñeiro para a Investigación en Humanidades. Santiago de Compostela 2009