Descarga en formato PDF - Centro Ramón Piñeiro para a ...

Anatolij Baránov e Dmitrij Dobrovol’skij. Aspectos teóricos da fraseoloxía
pechadas pousáranse moscas, o vento axitaba a rubia barba. Amosando os
dentes, a cabeza sorríalles ós romanos, a eles по спинам бежал холодок
[corríalles un friíño polas costas] (Еvg. Zamiatin. O látego de Deus, Бич
Божий).
(58) [Svetlovídov:] Un foxo negro sen fondo, coma unha tumba na que se agacha a
propia morte... Brr! Vai frío! Da sala sopra corrente coma se fose o tiro dunha
cheminea... Velaquí o lugar máis auténtico para invoca-los espíritos!
Arrepiante de raio... По спине мурашки забегали [polas costas empezaba a
correr un formigo] (А. P. Chéghov. O canto do cisne, Лебединая песня).
(59) As cabezas afeitadas e os corpos dos detidos, tan suorentos que estaban
vermellos, aínda parecían máis monstruosos. Nas costas suorentas decote
aparecían as cicatrices dos golpes dos látegos e dos paus recibidos no pasado,
de xeito que agora estas costas parecían de novo cubertas de feridas. Unhas
cicatrices terribles! Mirando para eles, мороз прошел по коже [unha xeada
correume pola pel] (F. М. Dostoievski. Anotacións dunha casa morta,
Записки из мертвого дома).
(60) Acoitelouse a si mesmo / que conversa máis alegre! Escoito esta canción e
кровь стынет в жилах [o sangue queda conxelado nas veas]. Si, é el. Cinto
de pel. Pantalóns de montar rachados e botas cortas, recortadas. Aféitase cun
anaco de sabre. Aféitase tódolos días, mirándose nun cacho de espello de
campaña. Pero por algunha razón sempre está mal afeitado (I. Arábov. Os
anos mozos de Dante, Юные годы Данта).
(61) —Vostede teno todo: educación, dilixencia, cariño ós nenos. Pero... a min
похолодело под ложечкой [entroume frío por debaixo do estómago]. O
significado daquel ‘pero’ estaba claro. Se cadra o departamento de persoal
faille a vida imposible porque está a manter unha terrorista na «fronte
ideolóxica» (Е. Gainsburg. A ruta cruel, Крутой маршрут).
(62) Daquela, como dicían, era a época do ‘rehabili-nacemento’ tardío. Tardío
porque houbo millóns de persoas que non quedaron con vida. E os que si
quedaron vivos e saíron en liberdade contaban cousas que facían que á xente
corrente волосы дыбом вставали [se lle levantasen os pelos] (М. Zaráev. A
provincia, Провинция).
Parécenos pouco probable a posibilidade de substituí-las expresións empregadas nestes
contextos por UUFF de DISFUNCIÓN FÍSICA (coma колени подогнулись [os
xeonllos dobráronse]) ou de DEFECACIÓN. A causa disto estriba no feito de que
practicamente en tódolos exemplos de uso das UUFF do FRÍO (compárense tamén os
contextos 32 e 34-49) se trata dunha sensación que non dana a dignidade do suxeito e
que está provocada por causas obxectivas consideradas polo falante totalmente serias.
O suxeito da emoción non se concibe coma unha persoa temerosa e tímida por
Centro Ramón Piñeiro para a Investigación en Humanidades. Santiago de Compostela 2009 145