Descarga en formato PDF - Centro Ramón Piñeiro para a ...

Anatolij Baránov e Dmitrij Dobrovol’skij. Aspectos teóricos da fraseoloxía
(i) o nivel das representacións individuais semi-visuais;
(ii) o nivel das estruturas de coñecemento, dos frames e dos scenarios que se
atopan na base do compoñente figurativo dunha UF e que inflúen nas
particularidades da súa semántica e da súa pragmática;
(iii) o nivel das relacións abstractas entre o dominio fonte e o dominio meta da
metáfora representada na forma interna.
Este modelo de tres niveis explica por que se obtiveron resultados tan diferentes nas
concepcións teóricas estudadas en 3.1.1. e 3.1.2. A «hipótese da interferencia» está
orientada cara ó nivel (i), mentres que a «hipótese conceptual-metafórica» cara ó nivel
(iii). Resulta interesante o feito de que ningunha destas concepcións lle prestara
atención ó nivel intermedio (ii), nivel básico dende o punto de vista dos aspectos da
figuratividade. De feito, no exemplo analizado, to fall off the back of a lorry, a
motivación non se fundamenta nin no modelo metafórico, que confronta o dominio
fonte co dominio meta, nin nas asociacións individuais dos falantes da lingua, senón no
coñecemento dunha situación tipificada, dun frame que xorde como resultado da
interacción da persoa co mundo que a rodea.
3.2. O compoñente figurativo na semántica das UUFF: efectos
semánticos e métodos de interpretación lexicográfica
3.2.1. Características específicas da imaxe e efectos semánticos 84
Baseándonos nas consideracións expostas na sección anterior pódense formular
algunhas hipóteses relativas á natureza do compoñente figurativo no significado das
UUFF:
— o compoñente figurativo non se basea en representacións semi-visuais,
senón en coñecementos e operacións que están por riba delas;
— as particularidades da imaxe relevantes semanticamente maniféstanse nun
nivel de abstracción medio, orientado a «coñecementos cotiáns» (comp. coa
idea do nivel básico de categorización, moi coñecido na semántica dos
prototipos, coma base dunha conceptualización inxenua do mundo);
— estes coñecementos serven non só coma base para a formación do
significado real dunha UF, senón que tamén poden ser adquiridos por este e
poden manifestarse, daquela, coma unha parte del. Isto permite falar ademais
dun compoñente figurativo no significado das UUFF;
84 Nesta sección inclúese, con considerables adicións, o material do artigo de Добровольский 1996б.
114 Centro Ramón Piñeiro para a Investigación en Humanidades. Santiago de Compostela 2009